24 “Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.
Ndakai mwati mumanya vintu vii, nga ndi mukuvicita mulaya alongo.
Lelo Yesu amunena ati, “Alongo ayao akauvwa mazwi yakwe Leza nu kuyayela.”
Ndi tukayela masunde yakwe Leza, ale lyene tukusininkizya vino twamumanya.
Ukoopa Yawe ili ntendekelo ya mano. Alino antu akaopa Yawe yakakula na mano. Ica cumi Yawe uwakulumbanya pe na pee!
Umuntu wamano akawaka amasunde, lelo mpundililwa wene alalowa.
“Ndi mwantemwa mwayela masunde yane.
Mwemwe yacuza yane ndi mukucita vintu vino namunena.
Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”
Ndi mwayela masunde yane, ale lyonsi mumaikala mu kutemwa kwane, ndi vino nani nkayela masunde yakwe Tata nu kwikala mu kutemwa kwakwe.
Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”
Natinja na mano ukuluta na yakasambilizya yane yonsi, pano nkakutumalilapo apa malamulo yako.
Ulondolozi wa mazwi yako uli wa luswepo, wene ukaletela imbutuma amano.
Amano ya muntu musalapuke yasintilila apa kumanya inzila ya malango, lelo iviwelewele vyene vikatumpokwa pamulandu wa vicitwa vyakwevyo.
Icipuupu cikakatuka, nga na antu aipe yakaululwa, lelo yayo akacita vyaololoke yene yakaikalilila umuyayaya.
Antu ya myenzo iipe yakafumiziwapo nu kwililika, lelo ang'anda yakwe yano akauvwila Leza yene yatalasansantika.
Lyene imvula itonya, mulamba aiiza nu mukuku ni cipupu ciiza cipuma pa ng'anda iyo, lelo itaponyile, pano yakuuzilwe pa lwala.
“Lelo wensi akauvwa mazwi yane nu kuntayela, wene wakolana wa muntu muwelewele wino wakuuzile ng'anda yakwe pa lusenga.
Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.
“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.
Yasano muli alio yali viwelewele nga nayauze yasano yali amano.
Lelo yao ali amano yene yasenzile amafuta mu misazi, ni nyali.
‘Lelo yao ali amano yayanena yati, Ndi twamupeela, limwi yasyakutukumana. Lelo yangini mukakale kuli yakakazya ya mafuta.’
Pano kusi uku kuvwa sile Masunde ukukalenga kuti antu yaye aololoke pa manso yakwe Leza, lelo ukukucita vino Masunde yataka ukukalenga.