Mateo 6:33 - Amazwi Yakwe Leza 2013

³³ Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Mateo 6:33 Referans Kwoze

Luka 12:31

Mu cifulo cakwe vii, inkolelo mutale mulonde Uwene wakwe Leza, nga nawe alamupeela vintu vii vyonsi.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Masamu 37:25

Nali umwance, awe ninsuka ninkota, kwaula kuti ndole kuno umusuma watala watazyelwa, nanti sile kuno ana yakwe yakupula cakulya.

Masamu 37:3

Tailanga muli Yawe nu kucita ivisuma, ikalanga nu longo mu mpanga.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mateo 3:2

akuti, “Zenzukini, pano Wene wa mwiyulu wati upalama pipi.”

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

Loma 10:3

Pano yatamanya inzila ino Leza akacitilamo antu kuya aololoke pa manso yakwe. Lelo mu cifulo cakwe cico, yene yezya kuya aololoke umu nzila yao aisikulu. Nupya yatazumila nzila yakwe Leza ino akacitilamo antu kuya aololoke pa manso yakwe.

Milimo 28:31

Wakosolanga pamulandu wa Wene wakwe Leza nu kusambilizya ivya pamulandu wa Mwene Yesu Klistu, ala akulanda nu kupama ukwaula umwi uwakumulesya.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

1 Yamwene 17:13

Eliya nawe anena mukamfwilwa ati, “Utuvwa intete. Pita ukwako ukacite ndi vino watulanda. Lelo utale ukampangile kamukate akapapatale akanono, nga lyene upange akakuti wewe nu mwana wako mulye.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

1 Kolinto 3:22

Paulo, Apolo, nga na Petulo, insi ii ya pansi, umi nanti imfwa, ivilipo ndakai nga ni viliza, vii vyonsi ivya kwinu,

Milimo 20:25

“Napitana monsi munomuli, ala nkukosola ilandwe lya pa Wene wakwe Leza. Ndakai, yamwi amunomuli yatalandola nupya.

Masamu 112:3

Ucindami nu kama wa vyuma, vilaya umu ng'anda yakwe, nga nu lulumbi lwakwe lulayelelela pee!

Mapinda 8:18

Ivyuma nu ucindami vyaya kunondi, inkweti ukama nu longo.

Mapinda 10:3

Yawe atalazumilizya antu akamoopa kuti yazewana uku nzala, lelo ivilondwa vya muntu mwipe vyene asivifima kunoli.

Mapinda 28:10

Wiyo akalanga antu aololoke imiyele iipe, alaponela umu ucinga wakwe umweneco kwene, lelo akaele alio yalakwata icaupyanyi icisuma.

Kasambilizya 10:2

Umuntu wamano waelela ukucita ivisuma. Ciwelewele naco caelela ukucita ivintu viipe.

Ezaya 26:9

Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.

Ezaya 33:6

Wene alamupeela umutende ufumaluke mu manda inu pano nsi. Wene alamupeela ukucenjela nu kumanya kuti vice vimupususye. Ukoopa Yawe ali kuno kukaletela umuntu cuma kwene cii.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]