Mateo 6:27 - Amazwi Yakwe Leza 2013

²⁷ Uzye aweni uwa munomuli, pa kusakamikwa kwakwe, angalundako wanda ku umi wakwe?

Mateo 6:27 Referans Kwoze

Kasambilizya 3:14

Namanya ukuti vyonsi vino Leza akacita viikalilila amanda pe. Kusi nanti umuntu umwi angungilizya cimwi pa vintu vivyo. Cino Leza wavicisile apakuti swe antu twamoopa.

Mateo 5:36

Utalapa pa mutwe wako, pano usi na maka akusenula lunyele longa kuti luye ulutiswe nanti ulutifi.

1 Kolinto 12:18

Lelo ndi vino cili Leza wiika cilundwa consi pa cifulo caciko, wakwe vino umwisikulu walondanga kuti ciye.

Mateo 6:25

Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu. Uzye umi utalusile ivyakulya, nu mwili utalusile vizwalo?

Mateo 6:28

“Pacani cino mungasakamikwa pali vino mumazwala? Lolini vino maluwa yakakula. Yene yasyaomba nanti kupikula vizwalo.

Mateo 6:31

“Caleka mutasakamala muti, ‘Tumalya cani? Nanti tumamwa cani? Nanti tumazwala cani?’

Mateo 6:34

Caleka mutasakamala pa vintu vya mutondo, pano uwa mutondo wene ulaisakamala uwisikulu. Amanda yasyacela mumwi.

Luka 10:41

Mwene nawe amwaasuka ati, “Mata! Mata! Wati usakamikwa nu kucuziwa pamulandu wa vintu ivingi.

Luka 12:11

“Lino mwemo yamuleta ku mang'anda ya mapepo nu ku yalasi, nga na kuli yakateeka, mutakasakamale pali vino mungaipokolola nanti pali vino mulavwanga.

Luka 12:22

Lyene Yesu anena alondezi yakwe ati, “Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu.

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.

1 Petulo 5:7

Ikini masakamiko inu pali Leza, pano wene akamusakamala.