Mateo 6:26 - Amazwi Yakwe Leza 2013

²⁶ Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?

Mateo 6:26 Referans Kwoze

Masamu 147:9

Akapela uku nyama ivyakulya vyakwezyo, nu kulisya ana yakwe yamwankole nga yalila.

Yobo 38:41

Uzye aweni akateyanyizizya mwankole icakulya, lino utwana twakwe tukulila nu kutonkomalika utusingo twatuko, pamulandu ni nzala?”

Mateo 6:32

Suka sile antu atataila Leza alio yakasakamala pa vintu vii vyonsi. So uwa mwiyulu wene wamanya vino mukalonda vintu vii vyonsi.

Mateo 7:9

Uzye umwi muli mwe yaisi, mwana ndi wamulenga umukate ungamupeela iwe?

Yobo 35:11

Aliwe kwene akatusambilizya ivintu ivivule ukuluta vino akasambilizya inyama zya mpanga, nu kutulenga ukuya na mano ukuluta ivyunyi vyamu lwelele.

Masamu 50:11

Ivyunyi vyonsi pano vyapela ivyakwane. Ivyaumi vyonsi kumwi ni vikasela ivya pa musili vyonsi ivyakwane.

Luka 12:18

Alino aivwanzya ati, ‘Ndacita cii, ndomolola inkoma zyane zyonsi nu kukuula zyuze zikulu, muno ndiika ivyakulya vyane ni vyuma vyane vyonsi.’

Utandiko 6:21

Ingizya ni misango yonsi ya vyakulya vyako ni vyakulya vyakwevyo, uvisunge.”