Mateo 6:20 - Amazwi Yakwe Leza 2013

²⁰ Lelo ikini vyuma vinu mwiyulu, mumo muno uwonyi ni ngalawa vitangalya, na muno aiivi yatangatama nu kwiya.

Mateo 6:20 Referans Kwoze

Luka 12:33

Kazyini vyonsi vino mukweti, mupele impiya ku apina. Ilondelini vikwama visyapunguka. Nu kusunga vyuma vinu mwiyulu muno vitalatala vipunguke, pano aiivi yatangafikako nu kwiya, nu wonyi nao utangalya vyuma vivyo.

Mateo 19:21

Yesu nawe amunena ati, “Ndu kasi ukuya mufumaluke, yanga kakazye vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Timoti 6:19

Mu musango uu amuno yene yalaitulikila cuma cino cilaya wa mufula ukome uwa manda akwiza, kuti lyene yakapelwe umi wape uwa cumi.

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

Ayebulai 11:26

Wene welenginye ukuti kusulwa pamulandu wakwe Mesiya kwacindama kuluta vyuma vyonsi vyamu Eguputo, pano wene walolekesyanga pa cilambu cilapelwa mu manda akwiza.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Petulo 1:4

Caleka tukulolela kupokelela ukama wa upolelelo uno Leza wasungila antu yakwe. Kupolelelwa kuu konsi kwasungwa na aliwe mwiyulu, nupya kutangaola nanti kononeka nanti kulowa.

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Ezaya 33:6

Wene alamupeela umutende ufumaluke mu manda inu pano nsi. Wene alamupeela ukucenjela nu kumanya kuti vice vimupususye. Ukoopa Yawe ali kuno kukaletela umuntu cuma kwene cii.

Ayebulai 10:34

Mwemo mwakumileko ku kucula pamwi na anyepwe. Nalino yamuposile vyuma vinu vyonsi, mwemo mwacipokelile ni nsansa, pano mwamanyile ukuti mucikweti cuma cisuma cuze cino cikaikalilila manda pe.

Mateo 6:19

“Mutaika vyuma vinu muno nsi, umwaya uwonyi ni ngalawa, muno aiivi yakatama nu kwiya.

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”