Mateo 5:28 - Amazwi Yakwe Leza 2013

²⁸ Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Mateo 5:28 Referans Kwoze

1 Yoane 2:16

Pano vintu vyonsi vyamu nsi, kutandika pa vilondwa viipe vino mili ikalonda, ni vintu vya lunkumbwa lwa manso nu kuitumika ku vyamu nsi, vyonsi vii visyafuma kuli Tata, lelo ku wikalo uwipe uwamu nsi.

Mapinda 6:25

Utakumbwa ukuyemba kwakwe, utaleka akuleme pakukuzyongwela manso.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

2 Samueli 11:2

Uwanda umwi ku manguzi, Davidi akatuka pa musanzi wakwe afuma akulyatoka apipaala li sano lyakwe. Lino ali apipaala, alola umwanaci akufulala. Umwanaci wilya wali umuyembe wakwe cimwi.

Yobo 31:1

“Nemo napangana mpiti na manso yane ukukana lolekesya pali mwali.

Utandiko 34:2

Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe.

2 Petulo 2:14

Yene yakaelenganya sile kulongozya. Imbunu yao yakwifya itakwata impela. Yene yakasomba antu mu citeyo cao. Myenzo yao yasambilila kuya nu lwiswa nupya yali ni citipu cakwe Leza.

Yobo 31:9

Ndi cakuti natala nakumbwa umuci wa muntu umwi, nanti sile ukuya umu kulyembelela apa mulyango wa mwinipamba,

Loma 7:14

Twamanya vino Masunde yakwe Mose yapilwe na Leza, lelo nemo nene muntu ukufwa, nasumbwa ukuya muzya wa maifyo.

Masamu 119:96

Natinsambilila ukuti ivintu vyonsi vili ni mpelelekezyo, lelo amasunde yako yene yaya afumaluke.

Mateo 5:39

Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo.

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Aina Levi 18:20

Utalongozya nu muci wa muzo, cico cingalenga kuti uye uwamifitalila kulingana nu lutambi.

Malango 22:22

“Ndi cakuti umonsi yamulemula akulongozya nu muci wa muntu muze, yoili kwene yalinzile ukukomwa. Mu musango uu amuno mulasisya inkota pakasi kinu.

Ezekelo 23:16

Watangi ndi walolekesya penepo, awe mukwai nu mwenzo munda waciloka sile ku kuyakumbwa. Wasusile azitumila ni nkombe ku mpanga kwene ilya yaku Babiloni.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.