Mateo 5:19 - Amazwi Yakwe Leza 2013

¹⁹ Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Mateo 5:19 Referans Kwoze

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 11:11

Cumi namunena vino, mu antu yonsi avyalwa mu nsi ii kusi umuntu wino alusile Yoane Kawatizya. Lelo wino ali munono mu Wene wa mwiyulu, wene ali mukulu kuluta Yoane.

Masamu 119:6

Ndi caya vivyo intange indemwe ni nsonyi, lino nkulolekesya apa vyeo vyako vyonsi.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Masamu 119:128

Acino pamulandu wakuti nkalondela amasambilizyo yako yonsi, nemo napata imisango iipe yonsi.

Umbwilo 2:20

Lelo nkuilizyanya pali cii cakuti ukazumilizya Yezebele mwanaci wino akailanda umwisikulu ukuti wene inkombe yakwe Leza. Wene akaomvya usambilizyo wakwe pa kuponzya aomvi yane kuti yalongozya nu kulya vyakulya vyapeelwa ku tuluwi.

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Malango 27:26

“ ‘Katipwe kuli Leza wiyo wensi alakana ukuyela amasunde yonsi na masambilizyo yakwe Leza.’ “Lyene antu yonsi yalalanda yati, ‘Ee mukwai! Kaciye vivyo kwene!’

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

Loma 6:1

Uzye lyene tumati uli? Uzye tumaifyanga pakuti cikuku cakwe Leza civulileko?

1 Petulo 5:4

Lyene lino Klistu, Kacema mukalamba aliiza, mwemo mulapelwa ingala ya lulumbi ino italatala iponzye kuyemba kwakweyo.

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Loma 3:8

Uzye lyene pacani tutangavwanga tuti, “Katwacita viipe pakuti visuma viloleke?” Avino na antu yamwi yakansausya pa kutumpoka ukuti nani avino nkalanda! Yene yalavunukwa wakwe vino cingayalinga.

Milimo 1:1

We Musambazi Teofilo, Mu lupapulo lwane lwankolelo nalemvile pa vintu vino Yesu wacisile na vino wasambilizye kufuma pa nsita ino watandike milimo,

Luka 9:48

ayanena ati, “Wino wensi akazengela umwana munono wakwe wii pamulandu wane, ala wanzengela. Na wino wensi uwanzengela, ala wazengela wino uwantuma. Pano wino ali munono kuluta pali mwemwe mwensi, wene ali mukulu.”

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Mateo 20:26

Lelo cisi vivyo muli mwemwe. Wino wensi wamuli mwemwe akulonda kuya mukulu, alinzile kuya muomvi wa yauze,

1 Yoane 3:4

Wino wensi akaifya wene ali nu mulandu wakuvuna masunde yakwe Leza, pano ukwifya kuli kuvuna masunde.