Mateo 28:20 - Amazwi Yakwe Leza 2013

²⁰ nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 28:20 Referans Kwoze

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Utandiko 39:21

Lelo Yawe wacingililanga Yosefu nga nu kumupolelela. Cii, calesile kuti kalinda wa anyepwe umukalamba azangila muli Yosefu.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Masamu 46:11

Leza Wamaka yonsi waya naswe, Leza wakwe Yakobo ali cele litu!

Mako 16:20

Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

1 Kolinto 14:37

Ndi cakuti umuntu umwi akutunganya ukuti wene akasema, alinzile kumanya ukuti vino nkumulembela, ilamulo ilyafuma ku Mwene Leza.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Kolinto 11:2

Inane nemo nkumutasya pano mukanjiusya lyonsi nu kulondela masambilizyo yano napiile kunomuli.

Mateo 13:49

Mu musango uli onga avino cilaya pa wanda wa mpelelekezyo ya nsi. Angeli yalafuma kwiyulu, nu kupaatula antu aipe ku antu aololoke,

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

1 Yamwene 1:36

Benaya umwana wakwe Yeoyada nawe avwanga ati, “Cimacitwa vivyo kwene. Si angala Yawe, Leza wako nawe azumilizye cintu cii!

Malango 12:32

“Mulinzile ukucita vyonsi vino namupeela ilamulo ukucita. Mutakezye ukulunda penepo nanti ukufumya penepo icili consi.”

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.

2 Petulo 3:2

Nkulonda kuti mwiusye mazwi yano yakasema amuzilo yavwanzile ku mpiti, nga ni sunde kufuma ku Mwene nupya Katuula witu, lino atumwa yamupile.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

1 Kolinto 11:23

Pano usambilizyo uno namupiile naupokelile kufuma ku Mwene, uwakuti Mwene Yesu, pa wanda uno yamukoofile usiku, watozile mukate,

Mateo 24:3

Lino Yesu watenzi pa Mwamba wa Olivi, alondezi iiza kunoli, yamuzya mu nkama yati, “Uzye alilaci lino cii cilacitika? Nupya icani cilaya cilangililo cakulanga ukwiza kwako nga ni mpelelekezyo ya nsi?”

Yelemiya 26:2

“Imilila mu musolo wa ng'anda ya Mwene nu kuvwanga vino ninkunena ku antu yano yafuma mu misumba yaku Yuda, nu kwiza kuno ku kupepa. Utasya nanti conga pa kuyanena.

Kufuma 8:27

Tulinzile ukupita amanda yatatu mu lwanga ku kupeela impolelwa kuli Yawe Leza witu, ndi vino amatupeelanga ilamulo.”

Ezekelo 46:10

Intunguluzi ili nu kuya pamwi na antu, lilyo lyonsi lino yakwingila nalino yakufuma apanzi.