Mateo 27:46 - Amazwi Yakwe Leza 2013

⁴⁶ Ukulingana na lino ilanzi lyatemba (3 koloko), Yesu alaizya ni zwi likulu ati, “Eli, Eli, lama sabakatani?” Cikusenula ukuti, “Leza wane, Leza wane, pacani wantazyela.”

Mateo 27:46 Referans Kwoze

Masamu 22:1

Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Mako 15:34

Lyene lino ilanzi lyatemba (3 koloko) Yesu alaizya ni izwi likulu ati, “Eloi, Eloi, lama sabakatani?” Cikusenula ukuti, “Leza wane, Leza wane, pacani wantazyela.”

Masamu 71:11

Yene yakati, “Leza watamutazyela, katukalaufye uleke tumuleme, pano kusi nanti wenga uwakuti amupokolole kweneko!”

Luka 23:46

Yesu alaizya ni izwi likulu ati, “Tata, nafumbatika mupasi wane mu makasa yako.” Lyene lino wavwanga cii, afwa.

Nyimbo zya ndosya 1:12

Yakunena ali wensi uwapita pano yatenzi yati, “Silolesyini mwe! Uzye kwatala ikuya antu acula wakwe sweswe? Ukwene uli ucuzi uno Yawe watandetela uku cipyu cakwe cikalipisye.

Mateo 27:47

Lino yamwi aimi pipi yuvwa cii yati, “Muntu wii akwama Eliya!”