Mateo 27:19 - Amazwi Yakwe Leza 2013

¹⁹ Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Mateo 27:19 Referans Kwoze

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”

1 Petulo 2:22

Klistu atatazile aifye nupya kusi umwi uwatazile auvwa akutumpoka.

Yoane 19:13

Caleka lino Pilato uvwa mazwi yaa, afumya Yesu panzi aikala na pa cilimba cakwe kapingula wa milandu mu ncende ii yamwangwa ukuti, “Musolo wa mawe.” (Mu Ciyebulai incende ikaamwa ukuti, “Gabata.”)

Luka 23:47

Musika wa mpuka ya vita lino walola vino ivyacitike alumbanya Leza, ati, “Cumi umuntu wii wali uwakaele!”

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

1 Yoane 2:1

Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Mateo 2:22

Lelo lino uvwa vino Akelao akuteeka mu Yudeya mu cifulo cakwe isi Helodi, aoopa kuyako, lino yamusoka mu ciloto, apita aya ku muputule wa mpanga ya Galile.

Mateo 2:19

Lino Helodi wafwa, mungeli wa Mwene aloleka kuli Yosefu mu ciloto ku Eguputo.

Mateo 1:20

Lelo lino acili akwetetwila cii, mungeli wa Mwene aloleka kunoli mu ciloto amunena ati, “Yosefu, uwamu mupanda wakwe Davidi, utaya na ntete zya kutwala Maliya ukuya muci wako. Pano watasenda indilwa kupitila mu maka yakwe Mupasi Wamuzilo.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Mpendwa 12:6

Alino Yawe avwanga ati, “Uvwini amazwi yane. Lino kasema wakwe Yawe ali namwe, nkaisokolola kuli aliwe mu vilolwa, nu kulanda kunoli mu viloto.

Utandiko 31:29

Indi na maka yaku kucisa, lelo usiku wilelo Leza wakwe so wali wansopa wati, ‘Utezya kulandapo izwi nanti limwi kuli Yakobo!’

Utandiko 31:24

Usiku ulya Leza aloleka kuli Labani mu ciloto nga amunena ati, “Utekele utezya kulandapo izwi nanti limwi kuli Yakobo.”

Luka 23:41

Swemo catulingana ukuvunukwa, pano tukupokelela cilambu ciine ni milimo itu. Lelo pasi cintu cimwi ciipe cino umuntu wii wacita.”

Utandiko 31:11

Mungeli wa Mwene Leza avwanga kunondi mu ciloto ati, ‘Yakobo.’ Nani naasuka inti, ‘Mukwai.’

Mateo 27:18

Pano wamanyile vino yasimapepo akalamba yapile Yesu kunoli pamulandu sile wa uzuwa wao.

Milimo 12:21

Pa wanda usololwe Helodi azwala vizwalo vya wene, aikala na pa cilimba cakwe ca wene nga avwanga ku antu.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

Milimo 18:16

Alino ayazinga mu cilye.

Milimo 18:17

Onsi yalema Sositeni, intunguluzi ikalamba yamu ng'anda ya mapepo, yamumila pa mulyango wa cilye. Lelo cico citasakamike Galio nanti panono.

Milimo 25:6

Fesito aikala nao mu Yelusalemu manda cinani nanti ikumi nga aswilila ku Kesaliya. Lino waca katondo aikala pa cilimba ca kupingwila milandu, alino apeela ilamulo kuti yalete Paulo pa manso yakwe.

Milimo 25:10

Lelo Paulo aasuka ati, “Nemo njimi mu cilye ca milandu cakwe Kesa, icilinzile cimputwile mulandu. Ntacisile icintu cimwi ciipe ku Ayuda, wakwe vino nawe kwene umanyile.

Milimo 25:17

Lino nizile kuno, ntasumvile kasita. Lelo uca katondo nikala pa cilimba ca kupingwila milandu, impela ilamulo kuti yalete Paulo ku cilye.