Mateo 26:75 - Amazwi Yakwe Leza 2013

⁷⁵ Lyene Petulo aiusya vino Yesu wamunenyile ati, “Lino mukolwe atacili alamule, wemo umankana maila yatatu ale ukuvwanga vino utamanyile.” Alino Petulo afumila panzi nga alila minsozi nu ulanda ukulu cuze.

Mateo 26:75 Referans Kwoze

Mateo 26:34

Yesu anena Petulo ati, “Cumi nakunena vino usiku kwene uu, lino mukolwe atacili alamule, wemo umankana maila yatatu ale ukuvwanga vino utamanyile.”

Yoane 13:38

Yesu aasuka ati, “Uzye wati uiteyanya ukufwa pamulandu wane? Nakunena vino lino mukolwe atacili alamule wemo umankana maila yatatu ale ukuvwanga vino utamanyile.”

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Kolinto 4:7

Uzye aweni uwakwisile kuya mukulu kuluta pa auzo? Uzye Leza atakupile vyonsi vino wakwata? Uzye lyene ungaitumika uli kwati cino wakwata cisi uwila?

Mateo 10:33

Lelo wensi alankana pa manso ya antu, nani ndamukana pa manso yakwe Tata uwa mwiyulu ukuti ntamumanyile.

Mateo 26:74

Alino Petulo alapa avwanga ati, “Ntamanyile umuntu wino mukulandapo! Ndi nkutumpoka, Leza andye.” Lilyo kwene mukolwe alamula.