Mateo 26:69 - Amazwi Yakwe Leza 2013

⁶⁹ Lyene Petulo watenzi mukasi ka musolo wi Tengo, nga umukazyana wenga uwamu yaomvi yakwe Simapepo Mukulu aiiza panoli amunena ati, “Nawe kwene wali pamwi na Yesu uwaku Galile.”

Mateo 26:69 Referans Kwoze

Mateo 26:71

Alino afumapo aya ku mulyango, nga lino umukazyana muomvi namuze wamulola, anena yano aimi pipi ati, “Muntu wii, nawe kwene wali na Yesu uwaku Nazaleti.”

1 Yamwene 19:13

Pakuvwa vivyo, Eliya avimba icikuwalo cakwe pa manso, afuma aimilila na pa mulyango wi cele. Izwi ali pakumunena liti, “Uzye icani cino ukulonda kuno we Eliya?”

Milimo 5:37

Pacisila cakwe cii, Yuda umwina Galile, walolike mu nsita yakupenda antu. Nawe kwene waongwile iumba. Lelo nawe kwene yamukomile nga na amulondile yonsi yasalangana.

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Yoane 7:41

Yauze nao yavwanga yati, “Ali Katuula uwalavilwe!” Lelo yamwi yati, “Uzye Katuula uwalavilwe wino tukalolela alafuma mu Galile?

Yoane 1:46

Natanaeli amuuzya ati, “Uzye mu Nazaleti mungafuma cimwi campomvu?” Filipo amunena ati, “Ndukailolele.”

Mateo 26:58

Lelo Petulo wene amulondela katalamukila nga afika nu mu musolo kwene wa ng'anda yakwe Simapepo Mukulu, nga aikala na yakalinda amu Ng'anda ikulu yakwe Leza kuti alole icimacitika.

Mateo 26:3

Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

1 Yamwene 19:9

Lino wafika ku Mwamba wa Sinai, Eliya alala kuku kwene mwi cele. Alino Yawe alanda kunoli ati, “Uzye icani cino ukulonda kuno, we Eliya?”

Mateo 26:70

Lelo Petulo akana pa manso yakwe yonsi ati, “Nemo ntamanyile cino ukuvwanga.”