Mateo 26:63 - Amazwi Yakwe Leza 2013

⁶³ Lelo Yesu aya cele. Alino Simapepo Mukulu amunena ati, “Nakunena, Lapa pa manso yakwe Leza umumi, utunene ndi wewe uli Katuula uwalavilwe, Mwana wakwe Leza.”

Mateo 26:63 Referans Kwoze

Aina Levi 5:1

Amawila akwelela amaifyo yakalondwa pamilandu ii. Ndu muntu yamwama kwi tengo kuti apeele umboni mwi tengo, lelo wakana kulanda vino waweni nanti vino uvwile, umuntu wiyo alinzile kuvunukwa.

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Ezaya 53:7

“Yamutakanyanga, ala yakumucuzya. Lelo wene atatazile azyansye, wayelanga sile, atatazile amamule akanwa. Wali wa mwana wa mfwele wino yakutwala ku kufyula ungati imfwele ino yakupela amavumbu, isiasamula akanwa.

Mateo 27:12

Lelo lino yasimapepo akalamba na aikolo yakumulongwela, Yesu wene atavwanzile nanti cimwi.

1 Samueli 14:26

Lino yaile umu mutengo, iyazana uuci ukutona umu malela, lelo kusi nanti wenga uwapenile ku kukomfola nanti akamunwe akombe, pamulandu wakuti yali ni ntete ku ntipu zyakwe Saulo.

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Yoane 19:9

Alino aingila nupya mwi sano, nga auzya Yesu ati, “Uzye kuno wafuma aukwi?” Lelo Yesu ataaswike.

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 10:30

Nemo na Tata twaya wenga.”

Yoane 10:24

Caleka Ayuda yamuunganila nga yamuzya yati, “Uzye umatusya muli sisi manda yanga? Ndi wewe uli Katuula uwalavilwe tunene paswe.”

Yoane 8:25

Nao yamuzya yati, “Uzye wewe weni?” Yesu aasuka ati, “Wakwe vino munenyile kufuma ku utandiko.

Yoane 6:69

Naswe twataila nu kumanya vino wewe Wamuzilo nupya wafuma kuli Leza.”

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Yoane 1:34

Nemo nati ndola cicitike, acino nkupeela umboni ndi vino wii ali Mwana wakwe Leza.”

Mako 14:61

Lelo Yesu aya cele, atavwanzile nanti cimwi. Nupya Simapepo Mukulu amuuzya ati, “Uzye wewe uli Katuula uwalavilwe, Mwana wakwe Leza Mupolelelwe?”

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Mateo 27:40

“We muno ungomoola Ng'anda ikulu yakwe Leza, nu kuikuula mu manda yatatu! Ituule ndi wewe Mwana wakwe Leza! Ika ku lupanda!”

Mateo 27:14

Lelo Yesu wene ataswike nanti izwi lyonga, nga mulasi azunguka cuze.

Danieli 3:16

Syadilaki, Mesyaki, na Abedinego yaasuka umwene yati, “We mwene Nebukadineza, swemo tutalinzile ukuipokolola inkolelo yako uku mulandu uu.

Mapinda 29:24

Wino akapita nu mwivi, wiyo kwene ali mwanisi wakwe, Wene alavunukwa ndi cakuti wapeela umboni wacumi mu cilye, nga Leza alamutipa ndi cakuti wakana ukucita cico.

2 Milandu 18:15

Nga lelo Aabu amuzikisya ati, “We, ndi cakuti ukulandila umwi zina lyakwe Yawe, ulinzile walanda icumi. Amaila yanga fwandi yano indakunena icili cimwi kwene?”

1 Yamwene 22:16

Lelo Aabu alondekanya ukuuzya ati, “Uzye amaila yanga yano ningakunena, pakuti lino ukulanda umwi zina lyakwe Yawe ulinzile wavwanga ivyacumi?”

1 Samueli 14:28

Lyene icita cimwi umu asilika cimunena citi, “So Saulo watatupeela ilamulo nu mulapo, ati, ‘Citipu ciye pa muntu ali wensi wino amalya icakulya ilelo!’ Nupya uli mulandu uno antu yaa yali ni nzala iyakulya umuntu.”

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

Masamu 42:2

Umwenzo wane ukulukisya we Leza, Leza wane uwa uumi. Uzye alilaci fwandi lino ndiza mpepele apa manso yako?

Mateo 4:3

Lyene Ciwa aiiza pano wali amunena ati, “Ndi wewe Mwana wakwe Leza, nena mawe yaa yaye mukate.”

Mateo 26:62

Lyene Simapepo Mukulu aimilila, auzya Yesu ati, “Uzye usi na cakuvwanga pali vino yakukulongwela?”

2 Kolinto 1:19

Cii, cili vivyo pamulandu wakuti Yesu Klistu Mwana wakwe Leza wene lyonsi kwene waya a “Ee” nupya atatala waya a “Awe”. Wene ali wino Siluvano, Timoti, nga nani twamunenyile pali aliwe.