Mateo 26:58 - Amazwi Yakwe Leza 2013

⁵⁸ Lelo Petulo wene amulondela katalamukila nga afika nu mu musolo kwene wa ng'anda yakwe Simapepo Mukulu, nga aikala na yakalinda amu Ng'anda ikulu yakwe Leza kuti alole icimacitika.

Mateo 26:58 Referans Kwoze

Yoane 7:32

Lino Afaliseo yuvwa vino iumba likutotozana vya pali Yesu, yene pamwi na yasimapepo akalamba yatuma yakalinda amu Ng'anda ikulu yakwe Leza kuti yakamuleme.

Yoane 18:25

Petulo waimi ala akoota. Alino yao ali penepo yamuzya yati, “Uzye nawe kwene usi wenga uwamu alondezi yakwe?” Lelo Petulo akana ati, “Asi nene.”

Yoane 7:45

Lino yakalinda yawela iiza kuli yasimapepo akalamba na Afaliseo. Nao yayauzya yati, “Uzye pacani cino mutamulemile mumulete?”

Mateo 5:25

Muvwane zuwa na similandu muzo lino muli umu nzila mukuya ku cilye, kuti atize akutwale ku nkombe ni nkombe ikupeele ku musilika kuti akuyalile mu ng'anda yaminyololo.

Mateo 26:3

Lyene yasimapepo akalamba nga na aikolo yakongana mu ng'anda yakwe Kayafa, Simapepo Mukulu.

Luka 22:54

Lyene lino yalema Yesu, yamutwala ku ng'anda yakwe Simapepo Mukulu. Lelo Petulo wene amulondela katalamukila.

Yoane 19:6

Lino yasimapepo akalamba na yakalinda ya Ng'anda ikulu yakwe Leza yamulola, yasanzika mazwi yao yati, “Atanwe pa lupanda! Atanwe pa lupanda!” Pilato ayanena ati, “Mwemwe kwene musendini mukamutane, pano kwene nemo ntamuzanyile nu mulandu.”

Milimo 5:22

Lelo lino asilika yafikako, yatazanyilemo umuntu mu ng'anda yaminyololo. Caleka yaswilila ku nkombe yavwanga yati,

Milimo 5:26

Lyene musika na asilika yakwe yapita, yaya yaleta alondezi kwaula kuyakunkizya, pano asilika yoopa ukuti antu yangayatama na mawe.