Mateo 26:29 - Amazwi Yakwe Leza 2013

²⁹ Namunena vino, ntalamwa nupya vifenwa vya vizao vya matingi kufika ku wanda uno ndamwa ivipya pali pamwi namwe mu Wene wakwe Tata.”

Mateo 26:29 Referans Kwoze

Umbwilo 7:17

pano Mwana wa mfwele, wino ali pakasi ka cilimba ca wene alaya ali kacema wao. Wene alayatungulula ku tufukoka twa manzi yano akapeela umi. Leza nawe alayakumbula minsozi yonsi.”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Mako 14:25

Cumi, namunena vino, ntalamwa nupya vifenwa vya vizao vya matingi kufika ku wanda uno ndamwa ivipya mu Wene wakwe Leza.”

Masamu 40:3

Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.

Yoane 17:13

Ndakai nkwiza kunuli. Vintu vii nkuvwanga mu nsi, kuti luzango luno nkweti luzuziwe mu myenzo yao.

Mateo 13:43

Lyene antu akacita ivyawololoke yene yalaengesa wi lanzi mu Wene wakwe Isi. Ali na matwi yakuuvwa, auvwe!

Umbwilo 14:3

Antu yao imbanga lwimbo lupya nkolelo ya cilimba ca wene na pa manso ya viumbwa vini vyaumi na pa manso ya ikolo. Kutali umwi uwasambilile lwimbo luu suka sile antu mazimbi mwanda onga makumi yani na yani yano akulwilwe kufuma mu nsi.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Yoane 15:11

“Nati munena vintu vii kuti muye mu luzango ndi luno nkweti, na kuti luzango lwinu luye lufumaluke.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Masamu 4:7

We Yawe, wazanzya umwenzo wane, ukuluta na pali yano yakwatisya ingano na waini umupya.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Mateo 26:30

Lyene lino iimba ulwimbo lwa kulumbanya Leza, yafuma yaya ku Mwamba wa Olivi.