Mateo 26:24 - Amazwi Yakwe Leza 2013

²⁴ Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Mateo 26:24 Referans Kwoze

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Luka 22:22

Mwana wa Muntu alafwa wakwe vino Leza wapingula, lelo kalanda ku muntu wino amamukoopa!”

Mako 14:21

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe!”

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Mako 9:12

Yesu nawe aasuka ati, “Cumi, Eliya akwiza inkolelo kuti alungike vintu vyonsi. Uzye pacani amalembelo yakati Mwana wa Muntu ali nu kucula cuze nga nu kuzewana?

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Masamu 55:23

Yakazwisya ya wazi na yayo aundyondyo apa lulimi, yene we Leza ulayasumbila umu ciwina icizike, icaula impela, lino yatacili yafike pakasi ka manda yao akwikala pano nsi. Lelo kwene nemo panondi pano, namatailanga muli wewe.

Masamu 55:15

Awe nce, imfwa sile kile ize icilukizye zuwa anisi yane. Kayale yatelemukile sile atuntulu uku cifulo ca afwe! Ee cumi, pano uyi auno wazula umu mang'anda yao nu mu myenzo yao.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 4:28

Yakongine kuti yacite vino wewe wemwisikulu wateyinye mpiti ku maka na mano yako, kuti vicitike.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”

Yoane 19:24

Asilika yavwanzyanya yati, “Lekini tutaulepula. Lekini tupendole kuti tulole wino amautola.” Cii cacitike kuti cifikiliziwe cino calembwa mu malembelo cikati, “Yankine nsalu zyane aisikulu nga na pa mwingila wane yacita usilizi.” Vii avino asilika yacisile.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Mateo 26:31

Lyene Yesu nawe ayanena ati, “Usiku kwene uu, mwensi kwene mumamfutatila nu kunsya nenga, pano calembwa cati, ‘Ndakoma kacema nu ufyo wa mfwele ulasalangana.