Mateo 26:15 - Amazwi Yakwe Leza 2013

¹⁵ ayauzya ati, “Uzye ndi namukoopela Yesu, mumampela cani?” Alino nao yamupeela impiya makumi yatatu zyakwe siluva.

Mateo 26:15 Referans Kwoze

Kufuma 21:32

Cipambasi wiyo ndi wakoma muzya umonsi nanti umwanaci, umweneco wakwe cipambasi wiyo alinzile ukulipa umusambazi wa muzya impiya yakwe siluva kulingana amakumi yatatu, na cipambasi wiyo alinzile kutamwa na mawe mpaka afwe.

2 Petulo 2:3

Pamulandu wa kutemwisya cuma yene yalamusomba na mazwi aucenjezi. Lelo kuvunukwa kwao kwateyanyiziwa mpiti, nu kononwa kwao kukayalolela.

1 Timoti 3:3

Wene atalinzile kuya mukolesi nanti walwete. Lelo alinzile kuya mufuke nupya asilemanizya antu. Wene atalinzile kutemwa impiya.

Milimo 1:18

Yuda wakazile calo mu mpiya zino yamulipile pa cicitwa cakwe ca ukakasi. Mumo kwene amuno waponyile akolezya mutwe pansi, nga alepuka cakuti na mala yakwe yonsi yalongoloka.

Yakapingula 17:10

Mika pali pakumunena ati, “Ndu waikala nani, uye umulangilizi na simapepo wane, nga nani namakulipilanga impiya zyakwe siluva ikumi lyonga pa mwaka nupya namakuzwikanga nu kukwimula.”

Yakapingula 16:5

Intunguluzi zya ina Filisti ziza kunoli izimunena iziti, “Uce umulyombeleke ukezye ukuzana kuno amaka yakwe yafuma, na vino tungacita pakuti tumutonsye nu kumunyepa pakuti tukapoke amaka yakwe. Cila wenga uwa munotuli tulakulipa impiya zyakwe siluva ukulingana ni zimbi nu mwanda onga.”

Utandiko 38:16

Yuda atamanyile ukuti anyinavyala. Acino apalama aya kumbali ya museo kunoli, amunena ati, Iza kuno, ndale nawe. Mwanaci wilya amuuzya ati, “Uzye umandipila cani?”

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Mateo 10:4

Simoni kalwisya wa untungwa, nga na Yuda Iskalyoti uwakoofile Yesu.

Mateo 26:16

Kufuma lilya kwene Yuda atandika kulonda inzila iya kukoopelamo Yesu kunoyali.

Aina Levi 27:4

Muntu wiyo ndi umwanaci, alinzile ukulipa yasiluva amakumi yatatu.