Mateo 25:8 - Amazwi Yakwe Leza 2013

⁸ Yao ali viwelewele yanena yano ali amano yati, ‘Tupekwiniko amafuta pano inyali zitu zimazima.’

Mateo 25:8 Referans Kwoze

Luka 12:35

“Pimpini kuomba nu kuleka inyali zinu zitwalilile ukwaka.

Mapinda 13:9

Antu aololoke yakoline wa luswepo ulukayengesa wakwe cimwi, lelo antu aipe yali wa nyali zino zikazimantukila.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Luka 8:18

“Caleka ikini amano pali vino mukuuvwa, pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.”

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

Yobo 21:17

“Ale lelo uzye mukalola ilingi ukuti uluswepo lwa muntu mwipe lukazima? Nanti uzye caseeka uku umuntu mwipe ukuponelwa ni syamo? Nanti uzye mukatala imulola kuno Leza, mu ukali wakwe, wonona ivyuma vya muntu mwipe?

Yobo 18:5

“Uluswepo lwa muntu mwipe luli nu kuzima. Ni cimbilimbili ca moto wakwe cilata nu kulunkuma.

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

Masamu 49:7

Ala mwine umuntu angaposiwa ukuituula umwenzo wenga. Wene atange alole nanti cimwi icakupeela Leza apakuitulanya.

Mateo 25:1

“Yesu ayanena mulumbe uu ati, Uwene wa mwiyulu ukoline ni cacitike usiku wanda umwi, lino akazyana ikumi, yatozile inyali zyao zizi ku winga ku kukomanya siwinga.

Mateo 25:7

Lyene akazyana onsi, yazyuka, iitulwila amafuta mu nyali zyao, nga nu kukuzya luswepo lwaziko.

Mateo 25:9

‘Lelo yao ali amano yayanena yati, Ndi twamupeela, limwi yasyakutukumana. Lelo yangini mukakale kuli yakakazya ya mafuta.’