Mateo 25:46 - Amazwi Yakwe Leza 2013

⁴⁶ Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Mateo 25:46 Referans Kwoze

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Yoane 5:29

Yano acitanga visuma yalazyukuka yaye nu umi. Na yano acitanga viipe yalazyukuka nu kuvunukwa.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

2 Tesalonika 1:9

Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Umbwilo 20:10

Lyene Ciwa wino uwayasomvile, wasumvilwe muli yemba wa moto na maluti, amuno alanga yati yasumbilamo cilyanyi pamwi na kasema waufi. Muu, amuno yalapya musanya nu usiku manda pe.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Milimo 24:15

Nakwata upaalilo muli Leza uli umwi na uno yene yakweti, uwakuti antu onsi, asuma na aipe, yalazyukuka kufuma ku afwe.

1 Yoane 2:25

Klistu umwisikulu nawe watulaya kutupela umi wape.

Galatiya 6:8

Muntu ndi walondela vilondwa vya untunze, wene alafwa. Lelo ndi walondela Mupasi Wamuzilo, wene alapeelwa umi wape.

Luka 16:26

Nupya lola, kuli manga izike cuze pakasi kako naswe, cakuti yano akulonda kulamba kufuma kuko ukwiza kuno yatangacicita, nanti asweswe kwene tutangiza kuko.’

Yoane 17:2

Pano wemo wamupile maka pa antu onsi, kuti angapeela umi wa pee kuli yonsi yano wamupile.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mateo 13:43

Lyene antu akacita ivyawololoke yene yalaengesa wi lanzi mu Wene wakwe Isi. Ali na matwi yakuuvwa, auvwe!

Yuda 1:21

Ikalini mu kutemwa kwakwe Leza. Lolelini Mwene witu Yesu Klistu, nawe alaya na mizu kunomuli nu kumupeela umi wape.

Mateo 19:16

Muntu umwi mulumendo aiiza kuli Yesu amuuzya ati, “Kasambilizya, uzye cisuma icani cino ndinzile kucita kuti mpokelele umi wape?”

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 13:48

Lino Akulukuwa yuvwa cii, yazanga nu kutasya ilandwe lya Mwene. Na yao yonsi yano Leza wasolwile kuti yaye nu umi wape, yataila mu Mwene.