Mateo 25:44 - Amazwi Yakwe Leza 2013

⁴⁴ “Alino nao yalavwanga yati, ‘Mwene uzye alilaci lino twakuweni ala uli ni nzala, nanti nu lusala, nanti lino wali mwenyi, nanti musizye, nanti mulwale, nanti mu ng'anda yaminyololo, kwaula kukupempula?’

Mateo 25:44 Referans Kwoze

Luka 10:29

Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”

Mateo 7:22

Pa wanda ulya uwa upinguzi, aingi yalavwanga kunondi yati, ‘Mwene, Mwene uzye asi mwi zina lyako amuno twakosololelanga? Uzye asi mwi zina lyako amuno twafumizizye mipasi yankota, nu kucita ivinjelengwe?’

Malaki 3:13

Yawe wavwanga wati, “Mwemo mwalanda amazwi aipisye apali nene. Lelo mukuuzya muti, ‘Uzye ivyani vino twalanda ivyapali wewe?’

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Yelemiya 2:35

mwemo mukati, ‘Sweswe yakaele, Yawe atange atusokele, awe.’ Lelo nemo ndamupingula apakulanda muti, ‘Swemo tutaifya nanti cimwi.’

Yelemiya 2:23

Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.

Mateo 5:6

Alongo antu yano yakalondesya kucita ivyawololoke vyakwe Leza ni myenzo yao yonsi. Pano Leza alayapeela vyonsi vino yakulonda.

Mateo 10:41

Wino wensi alazengela kasema pamulandu wakuti akasema, alapeelwa cilambu cakwe kasema. Na wino wensi alazengela umuntu umololoke pano wene akacita ivyawololoke pa manso yakwe Leza, alapeelwa cilambu ca muntu umololoke.

Mateo 25:43

Pano nali mwenyi namwe mutanzengile, nali musizye namwe mutanzwisile, nali mulwale nupya nali mu ng'anda yaminyololo namwe mutampempwile.’

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’