Mateo 25:35 - Amazwi Yakwe Leza 2013

³⁵ Pano nali ni nzala namwe mwampile vyakulya. Nali nu lusala namwe mwampile manzi. Nali mwenyi namwe mwanzengile.

Mateo 25:35 Referans Kwoze

Ezekelo 18:16

asicuzya umuntu nanti wenga, asipoka kamukole, asipokolola vya eneco ku maka, akapeela ali ni nzala icakulya, akazwika yayo ali tupu,

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Yobo 31:32

Kutatala kwaloleka umwenyi uwiza apane, uwakuti alale apanzi. Yonsi nkayapokelela usaka utupu. Icisasa cane cayulikila calimwi.’

Loma 12:20

Lelo mu cifulo cakwe cico, ndi vino calembwa mu malembelo cati, “Mwanisi wako ndi uvwa inzala, mwimule. Ndi uvwa lusala, mupele manzi akumwa. Pano lino wacita vivyo ale wamulenga kuya ni nsonyi.”

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

Loma 16:23

Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau.

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Milimo 11:29

Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile.

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Yoane 13:29

Pano Yuda wali akasunga wa cipao ca mpiya, alondezi yamwi yelenganya vino Yesu watamunena kuya kala vintu vino yulilwe pa kuzevya cimulo, nanti kuti akapele cimwi ku apina.

Luka 11:41

Lelo pelini vino vili mu mbale ku apina, alino myenzo inu imasanguluka.

Mako 14:7

Apina mukaya nao pe, nupya mungayazwa nsita yonsi ndi mukulonda. Lelo nemo mutalaya nani pe.

Mateo 26:11

Apina mukaya nao pe, lelo nemo mutalaya nani pe.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Mapinda 25:21

Umwanisi wako ndi cakuti ali nu lusala, mupele icakumwa.

Mapinda 22:9

Kapela wa luse akapolelelwa, pano wapeela umulanda icakulya cakwe.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Mapinda 14:21

Wiyo uwasuula umuze ala waifya, lelo umuntu wino akaelela alanda uluse wasyuka.

1 Yamwene 17:11

Lino mangu wilya akuya ku kumuletela amanzi, nupya kwene Eliya amwama nu kumunena ati, “Mukwai nkulenga mundeteleko na kamukate.”