Mateo 25:10 - Amazwi Yakwe Leza 2013

¹⁰ Lelo lino yao ali viwelewele yaciliya ku kukala mafuta, siwinga nawe asyala aiiza. Akazyana yao aiteinye iingila pamwi nawe mu ng'anda umwali cimulo ca winga. Alino cisasa ciyalwa.

Mateo 25:10 Referans Kwoze

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

Mateo 24:44

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.

Umbwilo 22:20

Wino akupeela umboni wakwe kuli vii vyonsi akuti, “Endi! Nkwiza zuwa!” Ameni! Iza Mwene Yesu!

Mateo 25:6

“Lelo usiku pakasi yuvwa kulaizya kukuti, ‘Siwinga wiza! Fumini mumukomanye!’

Masamu 95:11

Nasosile insuka indaya ukali ukali inti, “Mutalatala mwingile umu mpanga ilya, mumo muno nange mupeele upuzo.”

Utandiko 7:16

ndi vino Leza wamupeezile ilamulo. Lyene Yawe ayala cisasa lino Nowa wingila.

2 Timoti 4:8

Acino cilambu ca kucimvya kwane cino cikundolela, ingala ya wololoke ino Mwene kapingula mololoke alampeela pa Wanda ulya. Nupya atalapeela sile nene, lelo alapeela na yao amutemwa, yano akalolela kwiza kwakwe nupya.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.

Kolose 1:12

taizyini Leza Tata, wino uwamucita kuya alinge kukumako ku wankanyo wa upolelelo uno Leza wasungila antu yakwe mu nsi ya luswepo.

Mateo 7:21

“Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

Mateo 24:42

“Caleka pempulini, pano mutamanyile wanda uno Mwene winu aliza.

Mateo 24:43

Nupya manyini ukuti mwine ng'anda ndi amanyile insita ino aivi yakwiza, atangakasula nupya atangaleke yatame ng'anda yakwe.

Luka 12:35

“Pimpini kuomba nu kuleka inyali zinu zitwalilile ukwaka.

Umbwilo 19:7

Lekini tuzange nu kuya ni nsansa. Lekini tulumbanye ukulu wakwe! Pano insita yatifika iya winga wa Mwana wa mfwele, na nawinga wataiteyanya.