Mateo 24:48 - Amazwi Yakwe Leza 2013

⁴⁸ Lelo muomvi wiyo ndu mwipe wene alelenganya mu mwenzo wakwe ati, ‘Mwene wane walengela kwiza,’

Mateo 24:48 Referans Kwoze

Mateo 18:32

Lyene mwene amwama, amunena ati, ‘Wewe muomvi mwipe! Nemo nali nakwelela inkongole zyonsi, pano wampapasile.

Luka 12:45

Lelo muomvi wiyo ndi alelenganya mu mwenzo wakwe ati, ‘Mwene wane walengela kwiza,’ lyene atandika kuuma aomvi yauze aonsi na anaci, aalya nu kumwa nu kukoleka,

Ezaya 32:6

Pano iciwelewele ca muntu cikalanda ivyauwelewele, nu kwelenganya ukucita ivintu viipe. Ivintu vino cikacita na vino cikaelenganya, vyonsi ivyakusaalula sile Leza. Nupya citange citale cipeele ali ni nzala icakulya nanti amanzi kuli yayo ali nu lusala, awe.

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Yoane 13:2

Lyene lino yatali yalye cakulya ca manguzi, Ciwa aingila mu mwenzo wakwe Yuda Iskalyoti, mwana wakwe Simoni, amutunka kuti akoope Yesu.

Mako 7:21

Pano kufuma mukasi, mu mwenzo wa muntu, mukafuma amelenganyo yankota akamutungulula ku kucita ivya winyi, uwivi, kukoma,

Malango 9:4

“Pacisila lino Yawe Leza winu watayazinga mu mpanga pa manso inu, mutaca mwezye kulanda mu myenzo inu ukuti Yawe wamuleta kuno kuti mupoke impanga ii iye iyakwinu pamulandu wakuti mukacita ivyawololoke. Awe, asi vivyo. Lelo a pamulandu wa ukakasi wa antu amu nko zino Yawe akuzinga pa manso inu.

Milimo 8:22

Lyene zenzuka ku kwelenganya kwako kwipe, nu kupepa ku Mwene pakuti akwelele pa kwelenganya icintu wakwe cii.

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Mateo 25:26

“Mwene wakwe nawe amunena ati, ‘We muomvi mwipe nupya mukasu. Uzye fwandi wamanyile vino nkazombola pano ntakomile, nu kukolonganika pano ntasansansile?

Ezekelo 12:27

“We mwana wa muntu, lola vino aina Izlaeli yakulanda yati, ‘Icilolwa cino umuntu wi walola, ciliza umu manda ntanenwa ukufuma apilelo, nupya usemo wakwe asi wilelo, uwa patali.’

Ezekelo 12:22

“We mwana wa muntu, mwalozya mwi muno mu mpanga ya Izlaeli apakutaka imuti, ‘Manda yakupita, ni vilolwa ukwaula vino vitumbwile.’?

Kasambilizya 8:11

Uzye pacani cino antu yakatalila imilandu uku mufulo? Aeci yakapingula ya milandu yasipingula zuwa.

2 Yamwene 5:26

Elisya ali pakuvwanga ati, “Nemo nalindi nawe umu mupasi wane, lino umuntu umwi wali wafuma umwi celeta, wikila pansi, nga watandika nu kukukomenkanya. Insita ii mwine isi yakuzumila ukupoka ulupiya ni vyakuzwala kumwi ni vyalo vya miolivi ni vya matingi. Ukwika sile penepo nanti iviteekwa na aomvi foo!

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Mateo 24:47

Cumi, namunena vino mwene alamucita kangalila wa vintu vyonsi vino akweti.

Mateo 24:49

lyene atandika kuuma aomvi yauze, aalya nu kumwa pamwi na akolesi,