Mateo 24:45 - Amazwi Yakwe Leza 2013

⁴⁵ “Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 24:45 Referans Kwoze

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Mateo 25:23

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

2 Timoti 2:2

Maila aingi ukauvwa nkusambilizya pa manso yakwe yakambone aingi. Lyene ndakai nkulonda kuti wemo ulasike mulimo uu ku antu atailwe, yano angasambilizya antu yauze.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Luka 19:17

Mwene wakwe amunena ati, ‘Waomba ningo, we muomvi musuma! Pano wali uwakutailwa mu vintu vinono. Namakucita kangalila wa misumba ikumi.’

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mateo 25:2

Yasano muli alio yali viwelewele nga nayauze yasano yali amano.

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Ezekelo 34:2

“We mwana wa muntu, semela yakacema amu Izlaeli, useme uyanene uti, avino Yawe wavwanga wati, kalanda kuli yakasema amu Izlaeli, yao akaisemela sile aeneco. Uzye yakacema yasi nu kucema ufyo?

Mapinda 14:35

Umwene akazangila mu muomvi wakwe, lelo wene akavunuka yayo akaleta insonyi.

Mapinda 28:20

Umuntu umutailwe alapolelelwa apakalamba. Lelo wiyo akakalauka umukulonka ivyuma yalamupezya.

Mateo 24:46

Walongo umuomvi wiyo wino mwene wakwe alazana akucita wakwe vii lino aliza.

Kufuma 36:4

Lyene yafundi ya milimo yonsi yano yaombanga imilimo ya kukuula Itaalu lyamuzilo, umuntu wensi kulingana na vino wamanya, yasya imilimo yao,

Luti 2:6

Kapitao nawe aasuka ati, “Umukazyana wi umwina Moabu wino wiza na Naomi ukufuma ku Moabu.

Ezekelo 46:24

Alino anena ati, “Ii ili miputule yakwelekelamo muno aomvi amu Ng'anda ikulu yakwe Leza yalaelekelamo impolelwa zino antu yapeela.”