Mateo 24:31 - Amazwi Yakwe Leza 2013

³¹ Izwi likulu lya ntandala liluvwika nga nawe alatuma angeli yakwe kukukonganika asololwe yakwe kufuma ku mpela yonga ya nsi kufika nu ku yuze kwene.

Mateo 24:31 Referans Kwoze

1 Tesalonika 4:16

Kulaya kulaizya ilamulo, kuvwika kwi zwi lya mungeli mukulu, ciunda ca ntandala yakwe Leza, nga Mwene umwisikulu aliika kufuma mwiyulu. Yao afwile nu utailo muli Klistu yalazyukuka nkolelo yaye nu umi.

Mako 13:27

Alatuma angeli mu ntunga zini zya nsi ku kukolonganika asololwe yakwe Leza kufuma ku mpela yonga ya nsi kufika nu ku yuze kwene.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

1 Kolinto 15:52

Cii cilacitika zuwazuwa wa kukapaya kwi linso. Lino ntandala yakusyalikizya ilalila swemo tulazyukuka. Swe ya umi tulasenulwa.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Mateo 13:41

Mwana wa Muntu alatuma angeli yakwe mu wene wakwe, nao yalakonganika nu kufumyamo antu yonsi akalenga auze kwifya nga na antu yonsi akacita viipe.

2 Tesalonika 2:1

Pamulandu wa kwiza kwa Mwene witu Yesu Klistu nga nu kukongana kwitu swensi pamwi kuti tuye nawe, nkumupapata inane

Efeso 1:10

Lyene lino insita ilafika, Leza alacita vyonsi vino wapanga kucita, nga Klistu nawe alakonganika pamwi vintu vyonsi ivya mwiyulu na pano nsi.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Zakaliya 2:6

Yawe wavwanga wati, “Izini! Izini! Utukini mufume mu mpanga yaku katutu. Pasi pano nemo natimusalanganyizizya ku miza ini ya kwiyulu.

Ezaya 60:4

Tumpula amanso, celecensya konsi konsi. Lola vino yonsi yakolongana kunuli. Ana yako aonsi yafuma ukutali. Ana yako anaci yatiyayasendela pa lutungu, apa lumani.

Ezaya 49:18

Tumpula amanso nu kucelecensya monsi, Antu yako yonsi yakukongana, yakwiza kunuli. Ne Yawe Leza wa umi, nalapa ukuti, antu yako yalaya wa ciyembelo. Nupya ulaleka yaloleke wa candaluwa cakwe nawinga.

Ezaya 13:5

Yakufuma uku nsi ntali, uku mpela ya nsi, uku konona impanga yonsi

Umbwilo 7:1

Pacisila cakwe vii ndola angeli yani yaimi pa ntunga zini zya nsi, ala yati yalema imiza ini. Yacisile vii kuti umuza nanti umwi utapunga pansi nanti pali yemba nanti pa cimuti cili consi.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Malango 30:4

Nanti cingaya ukuti mwasalanganila ukutali cuze, nako kwene aliza amukonkole nu kumukolonganika pamwi nupya.

Umbwilo 8:2

Lyene ndola angeli cinimbali yano akaimilila nkolelo yakwe Leza, yapeelwa ntandala cinimbali.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Mateo 28:18

Yesu nawe ayanena ati, “Napelwa maka pa viumbwa vyonsi mwiyulu na pano nsi.

Mateo 24:22

Lelo Leza ndi atacefizye manda yalya, kusi nanti umwi angatuulwa. Na pamulandu wa asololwe yakwe, Leza alacefya manda yalya.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Danieli 7:2

Vii ali vino ne Danieli naweni umu ciloto usiku: Imiza yapunganga ukufuma mu ntunga zyonsi zini ala ikuvundula yemba mukulu.

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Masamu 81:3

Mwalizya ni penga apa ndoleko ya mwezi, na lino umwezi wakoma, lino ukaulungana, apa wanda wa kuzevya.

Masamu 67:7

Leza, ala watutupolelela. Antu insi yonsi kayakucindika.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Malango 4:32

“Muzye nu kulondelezya ivyampiti, pa nsita ino walanga mutacili muvyalwe, ku katalili lino Yawe waumvile antu pano nsi. Muzye nu kulondelezya mu nsi yonsi. Uzye kwatala kwacitika icintu cimwi wakwe cii? Uzye umwi watala uvwa icili consi ica musango uu?

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 24:32

“Sambililini pa musamvu. Lino misambo yakweo yatandika kulemba na mafwa yalelema mukamanya vino cisiku capalama.

Ayebulai 12:19

kulila kwa ntandala nu kuvwika kwi zwi. Pacisila cakuuvwa izwi, antu yapapata kuti yatuvwa izwi nalyuze,