Mateo 24:29 - Amazwi Yakwe Leza 2013

²⁹ “Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Mateo 24:29 Referans Kwoze

Amosi 8:9

Yawe Simwandalali wavwanga wati, “Mu wanda ulya, apa nsita ya musanya umutwe pakasi, ndalenga kuti ilanzi liwe nu kuponya imfinzi apa mpanga ya pansi umu kasanya.

Yowelo 3:15

Ilanzi nu mwezi vilaya wa mfinzi, ni ntanda nazyo zilata ukuwala.

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Ezaya 24:23

Apa mwezi pamafita, akasanya nako kamazima, pamulandu wakuti Yawe Wamaka yonsi aliwe amaya ali Mwene wakuteeka mu Yelusalemu, apa mwamba wa Zioni, ni ntunguluzi zya antu yakwe yamalolanga ucindami wakwe.

2 Petulo 3:10

Lelo uwanda wa kuwela kwa Mwene uliza wa mwivi. Pa wanda ulya mayulu yalalowa ni congo cikulu nga moto ulasungulula nu konona vyamu mayulu nu konona insi na vyonsi vyayamo.

Ezaya 34:4

Ilanzi, umwezi ni ntanda vyonsi kwene vilasunguluka. Iyulu lilavungana nu kongoloka wi pepala lino umuntu akupomba. Intanda zilapona wa mafwa yano yakulukuta uku mutingi nanti umusamvu.

Umbwilo 8:12

Alino mungeli walenga yani alizya ntandala yakwe. Ciputulwa conga ca mu viputulwa vitatu vi lanzi, mwezi ni ntanda vyumwa, cakuti vyene viponzya ciputulwa conga mu viputulwa vitatu vya kuwala kwakwevyo. Lyene kutali luswepo mu ciputulwa conga ca viputulwa vitatu vya musanya nu usiku.

Yowelo 2:10

Insi ya pansi ikuzakaza na mayulu yakusunkana lino yene yakupalama. Ilanzi nu mwezi vikafita iviya wa mfinzi. Alino ni ntanda izita ukuwala.

Amosi 5:20

Uzye uwanda wakwe Yawe utalaleta sile imfinzi itupu, ukwaula kuleta uluswepo foo?

Mateo 24:21

Pano pa nsita ilya, kulaya macuzi aipisye kuluta, yano atatazile yayeko kufuma lino insi yaumvilwe kufika na ndakai nupya yatalatala yayeko.

Mateo 24:8

Vintu vii uli utandiko wa macuzi akulu cuze.

Kasambilizya 12:2

Mu nsita ya ukote wako alino uluswepo lwi lanzi, lwa mwezi nu lwa ntanda lulakuzimila. Nupya amakumbi ya mvula yatalata ukufisya foo.