Mateo 24:27 - Amazwi Yakwe Leza 2013

²⁷ Pano ukwiza kwa Mwana wa Muntu kulakolana wa nkuwa ino ikamyansya kucilinganya ulwelele lonsi kufuma ku ufumondaka nu kufika ku uwondaka.

Mateo 24:27 Referans Kwoze

2 Petulo 3:4

nga nu kuuzya yati, “Uzye wene atalavile ukuti aliiza? Uzye ali kwi? Vikolwe vitu vyafwa mpiti, lelo vintu vyonsi vicili vili vimwi ndi vino vyali kufuma lino Leza waumvile insi!”

Yakobo 5:8

Namwe kwene mulinzile kuteeka myenzo. Lekini kupaalila kwinu kutanenuka, pano wanda wa kwiza kwa Mwene wati upalama.

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Zakaliya 9:14

Lyene Yawe alalolekela lwa papela pa antu yakwe, alaafika inceto ale zikumyantula sile wa nkuwa. Yawe Simwandalali alalizya intandala, nupya alatunkila uku katutu, aliza akupita mu cipunga ukufuma ku kayeya.

Mateo 24:39

Lelo yatamanyile icali nu kucitika kufika lino mulamba wizile asenda yonsi kwene. Mu musango uli onga avino cilaya pa kwiza kwa Mwana wa Muntu.

Mateo 24:37

Vino cali mu manda yakwe Nowa, avino cilaya pa kwiza kwa Mwana wa Muntu.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Malaki 4:5

“Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya.

Ezaya 30:30

Yawe amaleka antu yonsi yuvwe izwi lyakwe lya lulumbi, amaleka yuvwe na pano icipyu cakwe capelela. Kumaya icimbilimbili ca moto, ukupangalansya, imvula ya mawe nga nu kumyansya kwa mvula ya mawe.

Yobo 37:3

Wene akumyantula inkuwa apisika ya luwanzi lwi yulu, icakuti nga camyantula, icifika nakuno insi yapelela.

Mateo 24:3

Lino Yesu watenzi pa Mwamba wa Olivi, alondezi iiza kunoli, yamuzya mu nkama yati, “Uzye alilaci lino cii cilacitika? Nupya icani cilaya cilangililo cakulanga ukwiza kwako nga ni mpelelekezyo ya nsi?”

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Yobo 38:35

Uzye ungatala unene imvula kuti imyantule cakuti lino yawela, ikunene iti, ‘Musambazi, uzye aapi pano namamyansyizya nupya?’

Ezekelo 1:14

Iviumbwa navyo vyapitanga nu kuwela wa kumyantula kwa mvula.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Mateo 24:26

“Caleka antu ndi yaca yamunena yati, ‘Lolini, Klistu awilya kuku, mu lwanga!’ Mutakayeko. Nanti ndi yaca yamunena yati, ‘Klistu ali kuno, mu miputule ya mukasi ka ng'anda.’ Mutakayataile.

Mateo 24:44

Caleka namwe kwene mulinzile muiteyanye, pano Mwana wa Muntu aliza pa nsita ino mutenekile.