Mateo 23:37 - Amazwi Yakwe Leza 2013

³⁷ “Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Mateo 23:37 Referans Kwoze

Luti 2:12

Si Yawe angala akulambule sile pali vino wacita. Si Yawe, Leza wa ina Izlaeli angala akulambule, wino watuwiza ku kuzina munoli.”

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Masamu 17:8

Unsunge wakwe vino ungacingilila nyinalinso uwi linso lyako, umfise mu cisao ca mapa yako,

Masamu 36:7

Iye mwe, vino uluse lwako lwazipa we Leza! Ana ya antu yakauwa umu cisao ca mapa yako.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Masamu 63:7

Pano wewe uli kazwa wane insita yonsi, nkukwimbila umu cisao ca maapa yako.

Yelemiya 35:15

Kwaula nu kutonta nkamutumila lili lili aomvi yane, yakasema akamunena ukuti mufuntuke cila wenga ku nzila zinu ziipe, muzifye ni vicitwa vinu. Mutalondela tuleza tuze utuluwi nu kututumikila, pakuti muce mwikale mu mpanga ino napiile kuno muli nu ku vikolwe vinu. Lelo mwemo mutuvwile kunondi nanti panono.

Mateo 23:30

Nupya mukavwanga muti, ‘Ndi tuzanwako mu manda ya vikolwe vitu, tutange tumane kapi nao mukukoma yakasema.’

Mateo 22:3

Alino atuma aomvi yakwe kuli yano amilwe, ku kuyanena kuti iize ku cimulo ca winga. Lelo nao yakana kwiza.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Oseya 11:2

Lelo lino natwalilile ukumwama, nawe alunduluka ukufuntuka kunondi. Apeela ni mpolelwa kuli Baali nga nu kocela ubani amaunkolanya yayo.

Masamu 57:1

Undole luse luse we Leza, undole luse luse, pano niza nazina kunuli. Umu cisao ca mapa yako, amuno nkuuwa, ukufika sile na lino uzanzo wane ulasililikila.

1 Tesalonika 2:15

Ayuda ayano yakomile Umwene Yesu na yakasema, nga nu kutuzunya. Leza asyazangila muli vino yakacita, nga antu kwene yaa yapusana na auze onsi!

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Mateo 22:6

Asyala nao yalema aomvi yakwe, yayacuzya nu kuyakoma.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Yelemiya 26:23

Yaya yawezya Uliya ku Eguputo, yamutwala nu ku mwene Yeoyakimu, awino wizile wamukoma ku lupanga nu kusumbila icala cakwe ku malindi ya antu yonsi.

Yelemiya 6:8

We Yelusalemu, cenjela pano limwi ningakufutatila nu kukusangula ulwanga, incende muno musiikala umuntu nanti wenga.”

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Ezaya 50:2

Uzye pacani cino ntazanyilepo nanti wenga lino nizile? Uzye pacani cino kutali nanti wenga wakwasuka lino nalaizye? Uzye ikasa lyane lyali ilipi ilyakuposiwa kumutuula? Uzye ntakwata amaka akumutuula? Apakukalipa kwane sile, nemo ningakamya yemba ni nguzi cakuti ni nswi zyonsi izyaya mwenemo zikamilwe, apamulandu nu kuulizya amanzi, zifwe nu kufwa uku lusala.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Luka 15:28

Silenzi asoka cakuti akana nu kwingila mu ng'anda. Caleka isi afuma, amupapata kuti aingile.

Ezaya 5:4

Uzye mwe, icani cino casyala cino nemo naposiwe ukucitila icalo cane? Umulandu cii uno icalo cane caseekela iviseekwa vikantuke, icakuti mukane nu kuseeka iviseekwa ivisuma vino nemo nkalolela?

Yelemiya 32:31

Umusumba kwene uu nao ukandetela sile icipyu nu ukali ukutandikila sile pano yaukuulile mpaka na pilelo. Ali cino namaufumya pa manso yane,

Yelemiya 36:26

Lelo umwene ali pakunena Yelameeli, umwana wa mwene, Selaya umwana wakwe Azilieli nga na Syelemiya umwana wakwe Abideli kuti yakaleme kalemba Baluki na kasema Yelemiya. Lelo Yawe wayafisile.

Oseya 7:13

Kalanda kuno yali pano yene yansya. Si yale yononeke pamulandu wakuti yansangukila. Nemo nkalondesya ukuyatuula, lelo yakalukulanda sile vyaufi pali nene.

Mateo 23:31

Vivyo kwene mukuisinila mweisikulu ukuti mwemwe ana yakwe yano akomile yakasema.