Mateo 23:34 - Amazwi Yakwe Leza 2013

³⁴ Caleka, ndatuma yakasema, na antu yamano na yakasambilizya. Mulakoma nu kutana pa lupanda yamwi munoyali. Yauze nao mulayanyambola nu kuyuma mu mang'anda ya mapepo nu kuyazinganya kufuma mu muzi onga nu uze kwene.

Mateo 23:34 Referans Kwoze

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Milimo 13:1

Mwi uvi lyaku Antioki mwali yakasema na yakasambilizya yaa: Banaba, Simeoni (uwamwangwa mutifi), Lukio (uwafumile ku Kuleni), Manaeni (uwakuzile pamwi nu mulasi Helodi), nga na Saulo.

Mateo 10:23

Lelo lino antu amu musumba umwi yamucuzya, utukilini ku musumba uze uli pipi na kuko. Cumi namunena vino mutalamala kuomba milimo mu mizi yamu Izlaeli lino Mwana wa Muntu atali kuti aiize.

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

Ayebulai 11:37

Yamwi yatamilwe na mawe, yamwi nao mili yao yaputwilwe pakasi na mukalalu, nga yamwi nao yakomwa ku lupanga. Yene yapitananga ala yazwite vizwalo vyapanzilwe ku mpapa zya mfwele nanti zya mbuzi. Yali apina, yazunyiwe nu kucuziwa cuze.

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

Milimo 15:32

Yuda, na Sailasi, yano ali akakosola yavwanga mazwi akuyakomelezya nu kuyatekezya.

Milimo 14:19

Lelo Ayuda yamwi aizile kufuma ku Antioki wa Pisidiya nu ku Ikoniamu yatonsya maumba ku lusansa lwao, nga yatama Paulo na mawe, yamukulila nu kunzi yamusumba, yelenganya vino watafwa.

Milimo 12:2

Caleka yakoma Yakobo mwina wakwe Yoane nu lupanga.

Milimo 11:27

Mu manda yalya yakasema yamwi yafumile ku Yelusalemu iiza ku Antioki.

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yoane 20:21

Yesu nupya ayanena ati, “Mutende uye namwe. Ndi vino Tata wantumile avino nani namutuma.”

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Mapinda 11:30

Ukwikala umi wa mpomvu kukapela umi wape, lelo ukukana malango ukulovya uumi.

1 Tesalonika 2:16

Nupya yakwene yezizye kutulesya kukosola ilandwe ku Akulukuwa, lino lyange liyatungulule ku ufyusi. Ayuda yapitilila mu kwifya. Acino ndakai Leza wasoka nu kuyavunuka.

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Yelemiya 36:26

Lelo umwene ali pakunena Yelameeli, umwana wa mwene, Selaya umwana wakwe Azilieli nga na Syelemiya umwana wakwe Abideli kuti yakaleme kalemba Baluki na kasema Yelemiya. Lelo Yawe wayafisile.

Mateo 23:31

Vivyo kwene mukuisinila mweisikulu ukuti mwemwe ana yakwe yano akomile yakasema.

2 Yamwene 21:10

Yawe ali pakuvwanga ku antu ukupitila muli yakasema aomvi yakwe, ati,