Mateo 23:30 - Amazwi Yakwe Leza 2013

³⁰ Nupya mukavwanga muti, ‘Ndi tuzanwako mu manda ya vikolwe vitu, tutange tumane kapi nao mukukoma yakasema.’

Mateo 23:30 Referans Kwoze

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Mateo 23:29

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwakuulila yakasema malindi nu kuyemvya vipilala vya pa malindi ya antu aololoke.

Mateo 23:31

Vivyo kwene mukuisinila mweisikulu ukuti mwemwe ana yakwe yano akomile yakasema.

1 Kolinto 10:18

Elenganyini pa ina Izlaeli. Yao akalya vyapeelwa impolelwa yakakumako ku kutumikila Leza pa kavuwa.

2 Kolinto 1:7

Caleka upaalilo witu muno muli usi uwasilesile. Twamanya ukuti wakwe vino mukakumako ku macuzi itu, vivyo kwene mukakumako nu ku wazwilizyo kwene uno Leza akatupeela.