Mateo 23:28 - Amazwi Yakwe Leza 2013

²⁸ Mu musango uli onga, namwe kunzi mukaloleka ku antu kwati mwemwe ololoke, lelo mukasi ka myenzo inu mwazulamo usomvi ni nkota.

Mateo 23:28 Referans Kwoze

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Masamu 51:6

Pamulandu wakuti watemwisya ulungi uwamu mwenzo, sokolola kunondi uwile wamano yako.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

Mapinda 26:26

Nanti angezya ukufisa ulupato umukucenjeloka, lelo uyi wakwe uli nu kulolekela pa antu kwaula insita.

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

Mateo 23:29

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwakuulila yakasema malindi nu kuyemvya vipilala vya pa malindi ya antu aololoke.

Galatiya 2:13

Wene pamwi na Ayuda yauze yacisile usomvi cakuti na Banaba kwene wayalondelizye.