Mateo 22:19 - Amazwi Yakwe Leza 2013

¹⁹ Ndangizyini lupiya longa lukaomviwa ku kulipa musonko.” Nao yamuletela lupiya longa,

Mateo 22:19 Referans Kwoze

Umbwilo 6:6

Alino nuvwa cimwi kwati izwi ala likufuma mu viumbwa vyaumi vini, liti, “Cipimo conga ca ngano cakulingana na malipilo ya muntu a wanda onga, nga ni vipimo vitatu vya malezi vyakulingana na malipilo ya muntu a wanda onga. Lelo mutonona miolivi nanti calo ca matingi!”

Mateo 20:2

Pacisila lino yazumilizyanya na aomvi kuti ayapeele malipilo ya wanda onga, ayatuma kuyaomba mu calo.

Mateo 18:28

“Lyene lino muomvi wafuma nu kupita, umu nzila azana muomvi muze wino wamukofile impiya madenali mwanda, amulema, amutitila pa nsingo ati, ‘Ndipa inkongole yane.’

Mateo 17:25

Petulo nawe amwaasuka ati, “Endi, wene akasonka.” Lino Petulo wingile mu ng'anda, Yesu uwatandike kuvwanga kunoli, amuuzya ati, “Simoni, uzye wemo ukwelenganya uli pali cii? Uzye akuli yaweni kuno aene ya nsi yakasangulisya musangulo, nga nu kusonkesya musonko? Uzye ku antu yao nanti ku antu yauze?”

Mateo 22:18

Lelo lino Yesu wamanya mapange yao aipe, avwanga ati, “Mwe yasomvi mwe, uzye pacani mukungezya?

Mateo 22:20

nga nawe ayauzya ati, “Uzye usyu uu, uwakwe weni? Uzye izina lii, ilyakwe weni?”

Mako 12:16

Nao yamuletela longa, nga ayauzya ati, “Uzye usyu uu, uwakwe weni? Uzye izina lii, ilyakwe weni?” Nao yamwasuka yati, “Ivyakwe Kesa.”