Mateo 21:9 - Amazwi Yakwe Leza 2013

⁹ Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Mateo 21:9 Referans Kwoze

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Mateo 23:39

Namunena vino mutalandola nupya, kufika lino mulavwanga muti, ‘Walongo awiyo akwiza mwi zina lya Mwene.’ ”

Mateo 21:15

Lelo yasimapepo akalamba na yakasambilizya ya Masunde yasoka cuze pa kulola vintu vino wacisile vyakuzunguka, nga na vino ana anono yalaizyanga mu Ng'anda ikulu yakwe Leza, ala yakuti, “Mucinzi upelwe ku Mwana wakwe Davidi!”

Mateo 9:27

Lino Yesu wafumanga kuku, impafu ziili zimulondela zilaizya ziti, “We Mwana wakwe Davidi, ya na mizu kunotuli!”

Masamu 148:1

Lumbanyini Yawe! Lumbanyini Yawe mwe ikazi amwi yulu, mulumbanyini mwemuno mwikala apa sanzame!

Mateo 21:10

Lino Yesu wingila mu Yelusalemu, mu musumba onsi mukaya na see. Alino antu yaauzya yati, “Uzye wii aweni?”

Luka 13:35

Acino Ng'anda inu ikulu yakwe Leza ilasyala citotela. Cumi namunena vino mutalandola, kufika pa nsita ino mulavwanga muti, ‘Walongo awiyo akwiza mwi zina lya Mwene.’”