Mateo 21:35 - Amazwi Yakwe Leza 2013

³⁵ Alimi yalema aomvi yakwe, yuma wenga, yakoma muze, nga wakwe citatu wene yamutama na mawe.

Mateo 21:35 Referans Kwoze

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Mateo 5:12

Mwazanga cuze. Pamulandu wakuti cilambu cinu mwiyulu icikulu. Pano vivyo kwene avino yazunyanga na yakasema yano amukolelile.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

1 Yamwene 22:24

Lyene Zedekiya umwana umonsi wakwe Kenaana, apalama pipi nga apama Mikaya ulupi api tama ati nu kuti, “Uzye Mupasi wakwe Yawe afumile nsita cii muli nene pakuti aize alanda muli wewe?”

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:2

Fwandi Yezebele muka Aabu nawe pali pakutuma inkombe kuli Eliya kuti zikamunene ziti, “Icumi nalapa yakatai yandepule! Mutondo pa nsita ndi ikwene, indi nu kucita kuli wewe umusango uli umwi kwene nga uno wacitile yakasema.”

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Yelemiya 37:15

Nayo amakombe pasi pakusokela Yelemiya, yamuma nu kumufungilila mu ng'anda yakwe Yonatani, ino yasangwilwe wa ng'anda yaminyololo.

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Mateo 21:36

Nupya aca atuma aomvi yauze aingi. Lelo nao kwene yayacita cili conga.