Mateo 21:33 - Amazwi Yakwe Leza 2013

³³ Yesu ayanena ati, “Uvwini mulumbe nauze. Kwali umuntu umwi uwa kweti impanga, muno walimile calo ca matingi apindila ni cimpinda. Lyene aimbamo ni ciwina ca kufenelamo matingi, nga akuula nu lupungu. Alino apanzisya icalo cakwe ku alimi, nga apita ku mpanga ya kutali.

Mateo 21:33 Referans Kwoze

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Yoane 15:1

“Nene mutingi wa cumi na Tata ali mulimi.

Luka 19:12

Caleka ayanena ati, “Kwali umuntu umwi uwaku wene, uwayanga ku mpanga ya kutali kuti yakamusonte ukuya mwene, nga pacisila akaweluluke.

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Mako 13:34

Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula.

Mateo 23:2

“Yakasambilizya ya Masunde na Afaliseo ali yano yapeelwa nsambu yakulondolola Masunde yakwe Mose.

Mateo 21:28

“Alino Yesu avwanga ati, namamunena mulumbe wa muntu uwakweti ana yaili aonsi. Lyene namwe mumanena vino mukwelenganya. Umuntu wii waile ku mwana uwali silenzi wa muze, amunena ati, ‘Mwana we, ilelo yanga kaombe mu calo ca matingi.’

Mateo 13:18

“Caleka uvwini nu kusambilila vino mulumbe uu wakwe kata wa mbezu ukusenula.

Yelemiya 19:3

Fwandi nawe Yawe ali pakunena ukuti inene antu inti, “Mwe yamwene amu Yuda, na mwe ina Yelusalemu, siuvwini amazwi yakwe Yawe Wamaka yonsi, Leza wa ina Izlaeli. Wene akuti, ‘Nemo nasya ndete uononesi uo uno umawawatanga numu matwi ya antu yano yamauvwanga kweneko.

Ezaya 1:10

We Yelusalemu, ala yakateeka na antu yako yatapusine na yaya ali amu Sodoma nu mu Gomola. Si angala muvwe vino Yawe akulanda kunomuli. Sumbini amano kuli vino akumusunda.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.

Mateo 20:1

“Uwene wa mwiyulu ukoline na vii. Umuntu umwi walavile katondo tondo kuya lemba aomvi akuomba mu calo cakwe ca matingi.