Mateo 21:28 - Amazwi Yakwe Leza 2013

²⁸ “Alino Yesu avwanga ati, namamunena mulumbe wa muntu uwakweti ana yaili aonsi. Lyene namwe mumanena vino mukwelenganya. Umuntu wii waile ku mwana uwali silenzi wa muze, amunena ati, ‘Mwana we, ilelo yanga kaombe mu calo ca matingi.’

Mateo 21:28 Referans Kwoze

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

1 Kolinto 10:15

Nkulanda kunomuli wa antu yamano. Muipingule mweisikulu pali vino nkumunena.

Mateo 20:1

“Uwene wa mwiyulu ukoline na vii. Umuntu umwi walavile katondo tondo kuya lemba aomvi akuomba mu calo cakwe ca matingi.

Mako 13:34

Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula.

Luka 13:4

Nanti antu yaya ikumi na cinani, yano akomilwe lino ulupungu lwa mu Siloamu lwayaponile, uzye mukwelenganya vino yali akaifya kuluta antu yauze yonsi amu Yelusalemu?

Mateo 21:33

Yesu ayanena ati, “Uvwini mulumbe nauze. Kwali umuntu umwi uwa kweti impanga, muno walimile calo ca matingi apindila ni cimpinda. Lyene aimbamo ni ciwina ca kufenelamo matingi, nga akuula nu lupungu. Alino apanzisya icalo cakwe ku alimi, nga apita ku mpanga ya kutali.

Mateo 17:25

Petulo nawe amwaasuka ati, “Endi, wene akasonka.” Lino Petulo wingile mu ng'anda, Yesu uwatandike kuvwanga kunoli, amuuzya ati, “Simoni, uzye wemo ukwelenganya uli pali cii? Uzye akuli yaweni kuno aene ya nsi yakasangulisya musangulo, nga nu kusonkesya musonko? Uzye ku antu yao nanti ku antu yauze?”

Mateo 22:17

Lyene tunene vino ukwelenganya. Uzye ciine na Masunde yakwe Leza kuti twasonka kuli Kesa nanti foo?”

Mpendwa 10:30

Hobabu nawe aasuka ati, “Awe mukwai nemo ntalalondela, nkuswilila kumwitu ku antu yane.”

Mateo 21:27

Acino yaasuka Yesu yati, “Tutamanyile.” Lyene Yesu nawe ayanena ati, “Nani kwene ntakumunena uwampela maka akucita vintu vii.

Mateo 21:29

Lelo mwana aasuka ati, ‘Awe, ntakuya nkaombe.’ Pacisila apinduluka, aya aomba.