Mateo 21:26 - Amazwi Yakwe Leza 2013

²⁶ Nupya tutangati, ‘Wafumizye ku antu!’ Swemo tukoopa antu pamulandu wakuti yene yasininkizya vino Yoane wali akasema.”

Mateo 21:26 Referans Kwoze

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Mateo 21:46

Lyene yalonda nzila yakumulemelamo, lelo yoopa iumba pano antu yataile vino Yesu akasema.

Mateo 14:5

Helodi walondanga kukoma Yoane, lelo oofile Ayuda pano yene yataile vino Yoane akasema.

Mateo 11:9

Lyene nenini, uzye mwaile kukulola cani? Uzye akasema? Endi, namunena mwaweni alusile kasema.

Milimo 5:26

Lyene musika na asilika yakwe yapita, yaya yaleta alondezi kwaula kuyakunkizya, pano asilika yoopa ukuti antu yangayatama na mawe.

Yoane 9:22

Akwasi yakwe yavwanzile cii pano yoofile intunguluzi zya Ciyuda pano ala zyazumilizyanya ukuti, wensi amataila vino Yesu ali Katuula, wene amazingwa mu ng'anda ya mapepo.

Luka 22:2

Yasimapepo akalamba na yakasambilizya ya Masunde yalondanga inzila yakuti yalemelemo Yesu nu kumukoma munkama pano yoopanga antu.

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.

Luka 20:6

Nupya tutangati, ‘Wafumizye ku antu,’ pano antu yaa yonsi yamatutama na mawe, pamulandu wakuti yasininkizya vino Yoane wali a kasema.”

Mako 12:12

Yasimapepo akalamba, yakasambilizya ya Masunde na aikolo yalondanga inzila yakulemelamo Yesu pano yamanyile vino wayasyentekanga mu mulumbe. Lelo yoopa iumba, alino yamusya yapita.

Mako 11:32

Nupya tutangati, ‘Wafumizye ku antu!’” (Yoofile antu pamulandu wakuti yonsi yasininkizya vino Yoane wali akasema.)

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mateo 21:25

Uzye Yoane wafumizye kwi maka akuwatizya? Uzye akuli Leza nanti ku antu?” Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

Mateo 21:27

Acino yaasuka Yesu yati, “Tutamanyile.” Lyene Yesu nawe ayanena ati, “Nani kwene ntakumunena uwampela maka akucita vintu vii.