Mateo 20:24 - Amazwi Yakwe Leza 2013

²⁴ Lino alondezi yauze ikumi yacuvwa, yasokela yaa yaili ali aina.

Mateo 20:24 Referans Kwoze

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

1 Kolinto 13:4

Kutemwa kukateeka mwenzo nupya ukwa luse. Kutemwa kutakwata uzuwa nupya kusyaitutumula nanti kuituumika.

Mako 10:41

Lino alondezi yauze ikumi yacuvwa, yasokela Yakobo na Yoane.

Mapinda 13:10

Icilumba cakwe yayo asisakamala ivya yauze cikakatusya ulwete, lelo wiyo akauvwila malango ku antu yauze yakacefya icongo.

Mateo 20:23

Yesu nawe ayanena ati, “Icacumi mungamwa mu lwako lwane. Lelo ntakweti nsambu yakusolola wino angikala kwi kasa lilunji nanti kwi mani lyane. Tata alapeela vifulo vii kuli yano wateyanyizizya.”

Mateo 20:25

Caleka Yesu aama yonsi pali pamwi ayanena ati, “Mwamanya ukuti yakateeka ya antu atataila Leza yakwata maka pa antu yao, nga ni ntunguluzi zyao nazyo zyakwata uwangalizi.

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Luka 13:14

Intunguluzi yamu ng'anda ya mapepo ikalipa pano Yesu wapozya umuntu pa Sabata. Caleka ivwanga ku antu iti, “Kwaya manda mutanda yano tungaombamo. Caleka mwaiza mu manda yaa mukupoziwa, lelo mutaiza pa Sabata!”