Mateo 20:21 - Amazwi Yakwe Leza 2013

²¹ Yesu nawe amuuzya ati, “Uzye ukulonda cani?” Nawe aasuka ati, “Lino ulaateka mu wene wako, nkulenga kuti uce uzumilizye ana yane yaa oili yace ikale pali pamwi nawe. Wenga kwi kasa lilunji nu muze kwi mani lyako.”

Mateo 20:21 Referans Kwoze

Mateo 19:28

Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Esita 5:3

Lyene umwene amuuzya ati, “Uzye icani, we namwene Esita? Uzye icani cino ukulonda? Namakupeela nanti sile uwene wane apakasi.”

Mateo 18:1

Pa kasita kaka alondezi iiza kuli Yesu, yamuzya yati, “Uzye mukulu kuluta yonsi mu Wene wa mwiyulu aweni?”

Masamu 110:1

Yawe wanenyile umwene wane ati, “Ikala ukwi kasa lilunji lyane kufika lino ndakucimvizya anisi yako, kuti yaye wa cilyatilo ca ngazo zyako.”

Milimo 1:6

Walanga atumwa yakongana pamwi na Yesu, yamuzya yati, “Mwene, uzye lyene umawezezya Uwene ku Izlaeli?”

Mako 6:22

Alino mwana Helodia kaci wizile acina, nu kuzanzya Helodi na yano ali mu cimulo. Lyene mwene auzya mukazyana ati, “Uzye ukulonda cani cakuti nkupele? Namakupeela consi cino umalonda.”

Mateo 20:32

Yesu aimilila, nga azyama azyuzya ati, “Uzye mukulonda kuti mucitile cani?”

1 Yamwene 3:5

Kuku kwene ku Gibyoni, Yawe pali pakulolekela kuli Solomoni usiku mu ciloto. Yawe pali pakumunena ati, “Lenga cino ungatemwa kuti inkupeele.”

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

Yoane 15:7

Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Luka 22:24

Lyene kupazyanya kuya pakasi ka alondezi, pamulandu wakwe wino alinzile ukuya mukulu kuluta yonsi panoyali. Luk 9:46

Luka 19:11

Walanga lino antu yacili uvwa pali vii, Yesu atwalilila kulanda, ayumila mulumbe. Yesu wali pipi cuze na Yelusalemu, nupya antu yelenginye vino Uwene wakwe Leza wali pipi nu kuloleka.

Luka 18:41

“Uzye ukulonda kuti nkucitile cani?” Nayo imwasuka iti, “Mwene, nkulonda kuti nalola.”

Mako 10:51

Yesu amuuzya ati, “Uzye ukulonda kuti nkucitile cani?” Impafu imwasuka iti, “Kasambilizya, nkulonda kuti nalola.”

Yelemiya 45:5

Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”

Masamu 45:9

Pali ya mama amwi sano lyako paya penepo na ana ya mwene. Alino nupya lwa kwikasa lilunji ku cilimba cako ca wene uku kaimilila namwene, ala azwite insalu izya usaka, iziyembe zyakwe zaabu waku Ofili.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

1 Yamwene 2:19

Alino Batisyeba aya ku mwene Solomoni ku kuya uzizya Adoniya. Solomoni akatuka kuti akomenkane nawe, alino akontama, nga aikala pa cilimba cakwe ica wene. Alino atuma akuyaletela nyina icilimba, nga nawe aikala penepo lwa kwikasa lyakwe lilunji.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”