Mateo 19:28 - Amazwi Yakwe Leza 2013

²⁸ Yesu nawe ayanena ati, “Cumi namunena vino mu manda akwiza, mu nsi ipya, Mwana wa Muntu alikala pa cilimba cakwe ca wene ca lulumbi. Namwe kwene mwe muno mukamulondela, mulikala pa vilimba ikumi na viili vya wene nu kupingula inko zya Izlaeli ikumi na ziili.

Mateo 19:28 Referans Kwoze

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Umbwilo 20:4

Nupya ndola vilimba vya wene na yao atenzipo yapilwe maka akupingula. Alino ndola mipasi yakwe yao akomilwe pamulandu wa kukosola cumi cino Yesu wasokolwile nga na mazwi yakwe Leza. Yene yatapefile cilyanyi nanti unkolanya wakweco, nanti ukwikilwa cimanyililo caciko pa mausyu nanti pa makasa yao. Yene yaya nu umi nu kuteeka pamwi na Klistu kulingana ni myaka izimbi lyonga.

Umbwilo 7:4

Lyene nuvwile ukuti impendwa yakwe yao yano ikilwe cimanyililo cakwe Leza yali mazimbi mwanda onga na makumi yani na yani. Yene yafumile mu mitundu yonsi ya ina Izlaeli.

2 Petulo 3:13

Lelo swemo tukalolela vino Leza watulaya, mayulu apya nga ni nsi ipya, muno mulaya kuteekwa na Leza.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Ezaya 66:22

“Pano vino iyulu lipya ni nsi ipya vilayelelela ku maka yane, ali vino umutundu winu kumwi ni zina linu vilayelelela pee.

Ezaya 65:17

Nupya Yawe avwanga ati, “Mwalola, nemo namaumba iyulu lipya ni nsi ipya. Ivyampiti vyonsi vilililika, yatalaviusya nupya.

Umbwilo 21:5

Lyene wino atenzi pa cilimba ca wene avwanga ati, “Ndakai vintu vyonsi nkuvicita ivipya!” Alino anena ati, “Lemba vii, pano mazwi yaa acumi nupya yalinzile kutailwa.”

Umbwilo 4:4

Kuzinguluka cilimba kwali vilimba vyuze makumi yaili na vini, pano patenzi aikolo makumi yaili na yani yala yazwite nsalu zitiswe nga ni ngala zyakwe zaabu.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

Milimo 3:21

Cingamuzipila kuti alali mwiyulu kufikila na pa kwiza kwa nsita lino vintu vyonsi vilalengwa ivipya. Vii avino Leza wavwanzile kupitila muli yakasema yakwe amuzilo aku manda yampiti.

Mateo 20:21

Yesu nawe amuuzya ati, “Uzye ukulonda cani?” Nawe aasuka ati, “Lino ulaateka mu wene wako, nkulenga kuti uce uzumilizye ana yane yaa oili yace ikale pali pamwi nawe. Wenga kwi kasa lilunji nu muze kwi mani lyako.”

Umbwilo 22:2

Uluzi luu, lwapita pakasi ka museo uwamu musumba. Cila cituntu ca luzi pali muti ukapeela umi. Muti uu wasekanga vizao maila ikumi na yaili mu mwaka, lyonga cila mwezi. Amafwa yakweyo umulembo wakupozya antu amu nko zyonsi.

Ezila 6:17

Apa kupaatwila ng'anda ii yakwe Leza, yafyuzile nu kupeela yacipambasi 100, ni mfwele 200, nu twana twa mfwele 400 utwakoca wa mpolelwa. Nga alino ukwika penepo na yasawe 12 akutuula wa mpolelwa yakupapatila ukwelela kwa maifyo kwa ina Izlaeli yonsi. Cila sawe ukwimilila cila mutundu apa mitundu ikumi na iili iya ina Izlaeli.

1 Yamwene 18:31

Wene atoola amawe ikumi na yaili ukulingana ni mitundu ikumi na iili ya amu mupanda wakwe Yakobo, umuntu wino Yawe watemile izina lyakuti Izlaeli.

Yoswa 3:12

Lyene alino muce musolole aonsi ikumi na yaili ukufuma mu mitundu ya ina Izlaeli, umonsi wenga ukufuma muli cila mutundu.

Aina Levi 24:5

“Mutole makilogalamu ikumi na yaili a usu utonyoleke alino mupange imikate ikumi na iili.

Kufuma 28:21

Amawe kwene yaa yaye ikumi na yaili, kulingana na mazina ya mitundu ya ina Izlaeli. Amawe yalembwe wakwe vino musyanyi akalemba mazina pa mawe yamutengo ukulu. Iwe lyonsi liye ni zina lya mutundu onga.

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 15:27

Ukufuma ku Mala iyaya ku Elimu kuko kuno yazanyile tufukoka twa manzi ikumi na twiili nga nu tuncindu amakumi cinimbali, lyene iyakuula insakwe mu pipi na manzi.

Umbwilo 12:1

Nupya mwiyulu mwalolike cimanyililo cikulu. Mwalolike umwanaci wino cizwalo cakwe cali ilanzi. Mwezi wali pisika lya ngazo zyakwe, na pa mutwe wakwe pali ingala ya wene ya ntanda ikumi na zili.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mateo 19:27

Lyene Petulo avwanga ati, “Lola! Swemo twasya vyonsi nu kukulondela. Uzye lyene tulapelwa cilambu cii?”

Mako 10:37

Nao yaasuka yati, “Lino ulikala pa cilimba cako ca wene ica lulumbi, tukulonda kuti tukikale pali pamwi nawe, wenga kwi kasa lilunji nu muze kwi mani lyako.”

Umbwilo 11:16

Lyene aikolo makumi yaili na yani, yano akaikala pa vilimba vyao inkolelo yakwe Leza yafukama nu kukontamika vinso vyao nga yapepa Leza

Umbwilo 22:5

Kutalaya usiku nupya yatalalonda inyali nanti luswepo lwi lanzi, pano Mwene Leza alaya luswepo kunoyali. Yene yalateeka manda pe.

2 Milandu 9:19

Cakweti ni vintu ikumi na viili ivyalolekanga wakwe yacisama, vimilile apa mpela ya ntampulo. Imbali yonga mutanda ni yuze nayo mutanda. Kutatazile kuloleke icilimba icali wakwe cico umu mawene yonsi asyala.