Mateo 19:26 - Amazwi Yakwe Leza 2013

²⁶ Yesu ayalolekesya ayanena ati, “Ku antu citangacitika, lelo kuli Leza vintu vyonsi vingacitika.”

Mateo 19:26 Referans Kwoze

Yelemiya 32:27

“Lola, nene Yawe wa antu yonsi, uzye kwaya cino camposya?

Luka 1:37

Pano pataya cintu nanti cimwi cino Leza angaposiwa.”

Yobo 42:2

“Nemo natimanya ukuti wemo wakwata amaka akucita icintu icili consi, Wemo ungacita consi cino ukulonda, nupya kusi angalesya.

Luka 18:27

Lelo Yesu aasuka ati, “Cino umuntu atangacita, Leza wene angacita.”

Mako 10:27

Yesu ayalolekesya ayanena ati, “Ku antu citangacitika, lelo kuli Leza cingacitika, pano vintu vyonsi Leza wene angacita.”

Yelemiya 32:17

“Yawe Simwandalali, wemuno wapanzile amayulu ni nsi, umu kukonzolola ikasa lyako lya maka, kutaya nati cimwi icakuposya.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Mpendwa 11:23

Yawe nawe aasuka Mose ati, “Uzye ikasa lyakwe Yawe iliipi? Ulailolela wemwisikulu, ndi cakuti izwi lino nakunena lilafikiliziwa nanti foo.”

Zakaliya 8:6

Yawe Wamaka yonsi wavwanga wati, “Pa nsita iyo icintu cico cilaloleka cipezyamano ku antu amu mutundu ulya alasyalapo, awe cumi kuli nene citalaya cipezyamano foo.

Masamu 3:8

Ukukululwa kukafuma sile kuli Yawe, upolelelo wako ungala uye apa antu yako.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

Mateo 19:25

Lino alondezi yuvwa cii, yazunguka cuze yuzya yati, “Uzye lyene aweni angatuulwa?”

Mateo 19:27

Lyene Petulo avwanga ati, “Lola! Swemo twasya vyonsi nu kukulondela. Uzye lyene tulapelwa cilambu cii?”

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

1 Yamwene 17:16

Pasi pano impakwilo itapungwike nu musazi wa mafuta nao kwene utapungwike, ndi vino Yawe wavwanzile kupitila muli Eliya.