Mateo 18:31 - Amazwi Yakwe Leza 2013

³¹ Lino aomvi yauze yalola vino wacita, yaya nu ulanda cuze, yaya yanena mwene wao vyonsi vyacitike.

Mateo 18:31 Referans Kwoze

Loma 12:15

Muzange pamwi na yao akuzanga, losyini pamwi na yao akulosya.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Luka 19:41

Lyene lino wapalama ku musumba, aulolekesya, nga aulilila,

Luka 14:21

“Alino muomvi waswililemo aya anena mwene wakwe vii vyonsi. Lyene mwine wa ng'anda asoka, nga anena muomvi wakwe ati, ‘Pitisya yanga mu miseo nu mu masansa amu musumba, ukalete kuno apina, yakasinta, impafu, ni vilema.’

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Masamu 119:136

Aminsonzi yakufomfomoka sile umu manso yane, apamulandu wakuti antu yasiyela amasunde yako.

Utandiko 37:2

Yaa ali amu mupanda wakwe Yakobo na amu ng'anda yakwe. Yosefu mulumendo sile wa myaka ikumi na cinimbali, wacemanga imfwele ni mbuzi pamwi na yasilenzi, ana aonsi yakwe Bilaa na Zilipa, aci nayauze yakwe isi. Wanenanga isi vyonsi iviipe vino aina yacitanga.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

Masamu 119:158

Nkati ndi nalolekesya antu asitaila, pamulandu wakuti yasiwaka amalamulo yako, nemo inyunguluka.

2 Kolinto 11:21

Ndi ni nsonyi pa kuzumila kuti swemo twali atonte pa kucita vintu vivyo. Lelo ndi yangaitumika, ale nani kwene ningacita, lelo kucita cico kuli kutumpa kwene.

Mateo 14:9

Cii, calenzile mwene kuya nu ulanda cuze. Lelo pamulandu wa mulapo wakwe uno wacisile pa manso yakwe yao amilwe ku cimulo, apeela ilamulo ku yaomvi yakwe kuti yapeele mwana cino akulonda,

Mateo 18:28

“Lyene lino muomvi wafuma nu kupita, umu nzila azana muomvi muze wino wamukofile impiya madenali mwanda, amulema, amutitila pa nsingo ati, ‘Ndipa inkongole yane.’

Mateo 18:30

Lelo wene akana, amutwala ku ng'anda yaminyololo kuti akayalilwe kufika na lino alalipa nkongole yakwe.

Mateo 18:32

Lyene mwene amwama, amunena ati, ‘Wewe muomvi mwipe! Nemo nali nakwelela inkongole zyonsi, pano wampapasile.