Mateo 18:25 - Amazwi Yakwe Leza 2013

²⁵ Pamulandu wakuti muomvi atakweti cakuti alipe, mwene apeela ilamulo kuti yamukazye. Alino yakazye umuci, ana nga na vyonsi vino wakwata pakuti alipe impiya zyonsi zino wakofile.

Mateo 18:25 Referans Kwoze

Neemiya 5:5

Nanti angala sweswe yali yamwi na Ayuda yanji. Uzye ana itu yatakoline na ana yao? Lelo tulinzile twakazya ana itu wa azya. Twatitukazya mpiti ana itu yamwi anaci wa azya, pamulandu wakuti antu yauze yatupoka vyalo vitu kumwi ni vya matingi kwene.”

2 Yamwene 4:1

Uwanda umwi mukamfwilwa, uwali umuci wakwe wenga uwamuli yakasema, aya kuli Elisya nga amunena ati, “Mwamanya ukuti uwane wafwa, nupya wali umuomvi winu. Lyene fwandi kwati kwiza umuntu umwi wino uwane wakongwile impiya. Lelo ndakai wene akulonda kuti asendele penepo ana yane yaili kuti akayacite azya yakwe, wa malipilo pa nkongole zya wane. Mwamanyile na vino uwane wali umuntu umwi uwoopanga Yawe.”

Luka 7:42

Lino yaposiwa kumulipa ayelela. Uzye aweni pali yaa angamutemwa kuluta?”

Aina Levi 25:39

“‘Ndi mwina Izlaeli muzo mwinipamba waya mupina, nga aipatikizya kuti aikazye umwisikulu kunomuli pakuti aye muzya winu, mutalinzile kulenga umuntu wiyo aomba imilimo ya uzya.

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Kufuma 21:2

Ndi wakala muzya umonsi Muyebulai, wene ali nu kukutumikila imyaka mutanda. Lelo mu mwaka uwalenga cinimbali wene alinzile kukululwa kwaula kulipila nanti cimwi.

Kufuma 22:3

Lelo ndi cacitika musanya, umuntu wiyo angapeelwa mulandu wakutala katwe. “Icumi kwene umwivi alinzile alipile pali cino wiya. Lelo ndi cakuti atakweti icakulipa, lyene yalinzile kumukazya kuti alipile pali vino wiya.

Mateo 18:24

Lino watandika kupituluka, yamuletela muomvi wenga uwakofile impiya mintapendwa.