Mateo 18:15 - Amazwi Yakwe Leza 2013

¹⁵ “Munyonko ndi wakwifya, yanga kunoli umulange kuluvyanya kwakwe lino muli sile mweili. Ndi wakuuvwa, lyene ale mwawikizyanya wa ina.

Mateo 18:15 Referans Kwoze

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Kolose 3:13

Mwatekelana nu kwelelana lyonsi lino umwi wailizyanya pa muze. Mulinzile kwelelana ndi vino Mwene wamwelela.

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

2 Tesalonika 3:15

Mutamucita wa mwanisi. Lelo mulinzile kumusoka wa mwina kunomuli.

Mateo 18:35

“Mu musango uli onga avino Tata uwa mwiyulu alamucitila ndi musyakwelela anyonko ni myenzo yonsi.”

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Loma 12:21

Mutacimviwa ni nkota, lelo cimvini inkota pa kucita visuma.

1 Petulo 3:1

Mu musango uli onga kwene mwe anaci mulinzile kuyela yaiya inu, pakuti ndi umwi munomuli wino atataila mazwi yakwe Leza walola vicitwa vinu visuma, nawe kwene ataile. Citange cilondekwe kuti mulande izwi kunoyali,

1 Kolinto 8:12

Ndi mwifya ina Klistu yauzo musango kwene uu, nu kucisa myenzo yao ala mukwifya kuli Klistu kwene.

Mapinda 11:30

Ukwikala umi wa mpomvu kukapela umi wape, lelo ukukana malango ukulovya uumi.

2 Kolinto 7:12

Lino nalemvile kalata, asi pamulandu wakupeela mulandu kuli wiyo uwaluvyanyizye nanti kuvwangila muntu wino wifizye. Nalemvile kalata kuti Leza amulange paswe kusakamala kuno mwatusakamala.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Mateo 18:14

Mu musango uli onga kwene, So uwa mwiyulu asyalonda nanti wenga uwamu anono yaa, aponge.

Mateo 18:21

Lyene Petulo aiiza kuli Yesu amuuzya ati, “Mwene uzye amaila yanga yano ningelela umwinane nga wanjifya? Uzye ningamwelela maila cinimbali?”

Tito 3:10

Muntu wino akapaatukanya auze ndi wamusoka nanti lili, lelo atuvwile, mumukane.