Mateo 17:17 - Amazwi Yakwe Leza 2013

¹⁷ Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 17:17 Referans Kwoze

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Milimo 13:18

na pa myaka makumi yani ala akuyasunga mu lwanga.

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Mako 9:19

Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

Mateo 13:58

Lelo atacisile vinjelengwe vingi kuku, pano antu yatakweti utailo munoli.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Mapinda 1:22

“Mwe mbulwamano mwe! Mulasya umbulamano winu ukufika lilaci? Mulata lilaci ukusuula ne malango? Uzye mulasyalilila awelewele vivyo kwene?

Mpendwa 14:27

“Uzye iumba lii ilipe, lilata lilaci ukuilizyanya pali nene? Natinuvwa ukuilizyanya kwa ina Izlaeli pali nene.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Yoane 20:27

Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Luka 9:41

Lyene Yesu ayanena ati, “Ala! Mwe antu amu mukulo usi na utailo nupya uvulungane! Uzye namaya namwe nu kumutekelela kufika lilaci?” Lyene anena umuntu ati, “Leta umwana wako kuno.”

Mateo 16:8

Yesu wamanyile cino yalanzyanyanga, caleka ayauzya ati, “Mwe ya utailo unono, uzye pacani mukulanzyanya pamulandu wakuti musi na mukate?

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Kufuma 16:28

Lyene Yawe auzya Mose ati, “Uzye kufika insita cii lino mumakana kuyela malamulo yane?

Mapinda 6:9

Uzye wemo ukwikala sile ala watulala, ulaomba lilaci mukasu we? Uzye utulo twako tulasila lilaci?

Masamu 95:10

Apa myaka amakumi yani umukulo ulya wansosizye, usuka umvwangula inti, “Ala mutundu we nizewanya! Mwakana ukuvwa ukunzila zyane!”

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Ezaya 19:14

Yawe aliwe walenga ukuti zyapanda antu yauze amano yacimvundawila. Uli mulandu kwene uno walenga nu kuti aina Eguputo yapumeka muli vyonsi vino yakacita. Icalenga nu kuti Eguputo apempezyoka ungati umuntu uwatakoleka waini.

Mateo 17:16

Nali naleta mwanane ku alondezi yako, lelo yali yaposiwa kumupozya.”

Mateo 17:18

Yesu akalipila mupasi wankota, nao ufuma mu mulumendo, nga lilyo kwene apoziwa.

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

2 Kolinto 11:1

Nkupaalila ukuti mumanzumilizya nanti angala nene mutumpe. Namupapata munzumilizye!