Mateo 16:24 - Amazwi Yakwe Leza 2013

²⁴ Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Mateo 16:24 Referans Kwoze

Mateo 10:38

Na wino wensi asisenda ulupanda lwakwe nu kundondela, wene ataine kuya mulondezi wane.

Luka 14:27

Wino wensi asisenda ulupanda lwakwe nu kundondela, wene atangaya mulondezi wane.

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

2 Timoti 3:12

Muntu wensi wakwe Klistu wino akalonda kwikala umi wakucita vyawololoke pa manso yakwe Leza wene alazunyiwa,

Mako 8:34

Lyene Yesu aama iumba na alondezi yakwe kunoli. Alino ayanena ati, “Muntu umwi ndi akasi kundondela, aikanye, aisendele ulupanda nga andondele.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Yoane 19:17

Yesu nawe afuma mu musumba, ala asenzile lupanda lwakwe, aiiza ku cifulo camwangwa ukuti, “Pa cifulo ci Panga.” (Mu Ciyebulai cikaamwa ukuti, “Gologota.”)

1 Tesalonika 3:3

pakuti kutaya nanti umwi wakunenuka pamulandu wa kuzunyiwa kuu. Mweisikulu mumanyile ukuti Leza uwazumilizye kuti tuzunyiwe mu musango kwene uu.

Mateo 27:32

Lino yakufuma yakomanya umuntu uwaku Kuleni, wino zina lyakwe a Simoni, nga yamupatikizya kusenda lupanda lwakwe Yesu.

Mako 15:21

Mu nzila yakomanya umuntu zina lyakwe a Simoni, uwaku Kuleni, isi wakwe Alekizanda na Lufusi, ala akwiza mu musumba kufuma mu mpanga. Lyene asilika yamupatikizya kusenda lupanda lwakwe Yesu.

Luka 23:26

Lyene lino asilika yasenda Yesu, umu nzila iyalema Simoni uwaku Kuleni, ala akwiza mu musumba kufuma mu mpanga. Alino yamutwika lupanda kuti asende alondele Yesu cisila.

Yoane 21:19

(Yesu wavwanzile vii kuti alange musango wa mfwa ino Petulo alafwa nu kuleta lulumbi kuli Leza.) Walanga wavwanga vii, anena Petulo ati, “Ndondela.”

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.