Mateo 16:18 - Amazwi Yakwe Leza 2013

¹⁸ Petulo nakunena vino wewe lwala, na pa lwala luu apano ndakuula iuvi lyane, nga nanti maka ya mfwa yatalalicimvya.

Mateo 16:18 Referans Kwoze

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Kolose 1:18

Wene ali mutwe wa mwili wakwe, nga mwili kwene uu, iuvi. Wene ali ntulo ya umi wa mwili. Wene ali yeli lyakwe Leza nupya uwazyukwike kufuma ku mfwa, pakuti aliwe wenga sile akwate cifulo cankolelo pali onsi.

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

1 Timoti 3:15

Lelo ndi cakuti ningacelwa kwiza, ale mazwi amuli kalata wii yalakumanyisya vino micitile itu mwi uvi ilinzile kuya. Antu amu ng'anda yakwe Leza lili uvi lyakwe Leza wa umi kwene, nupya yene yakoline wa lupanda mu kutungilila iuvi.

Ezaya 54:17

Kuu kuli kulanda kwakwe Yawe.

Efeso 5:32

Mwi lembo lii muli nkama ikulu iya cumi ino yasokololwa mwenemo, nupya manyile ukuti yene ikwimilila Klistu ni uvi lyakwe.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Mapinda 24:7

Iciwelewele ca muntu cikaposiwa ukuvwa umwalola amano. Ali mulandu kwene uno citange cikwate ni vyakulanda apa mpongolo zya musumba.

Yobo 38:17

Uzye kwatala kwaya umwi angatulanga impongolo zya mfwa? Nanti uzye watala walola yakalinda ya mpongolo itifi, kuno kwikala imfwa?

Umbwilo 21:14

Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Masamu 9:13

Ndola luse luse, we Yawe! Lola ucuzi uno anisi yane yamponyezya. Awewe sile ungampususya ku mfwa, we Yawe,

1 Timoti 3:5

Ndi cakuti wene atamanyile vya kusunga amu ng'anda yakwe ningo, uzye lyene angasunga uli iuvi lyakwe Leza?

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Mateo 18:17

Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.

Mateo 11:23

Mwe antu amu Kapenaumu uzye mukwelenganya vino mungakweziwa kwiyulu kupela? Awe! Mulasumbwa pansi kuzimo! Pano ndi vinjelengwe ivyacisilwe munomuli ivyacisilwe mu Sodoma, Sodoma nga acilipo ni lelo.

Mateo 10:2

Yaa, ali mazina ya atumwa ikumi na yaili: Wakwe conga, Simoni, (wino izina lyakwe a Petulo), na Andeleya mwina wakwe. Yakobo mwana Zebedi na Yoane mwina wakwe.

Masamu 69:12

Lyene iyikalila nu kunjambilapo, apa mpongolo zya musumba. Na akolesi iyanjimba nu mu nyimbo.

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

1 Kolinto 15:55

“Mfwa we, uzye ucimvyo wako uli kwi? Mfwa we, uzye luoya lwako luli kwi?”

Ezaya 38:10

“Nemo nelenganyanga ukuti namaya ukwaya antu yane. Ntalatala nikale nupya pano nsi, nupya lino nafikila sile apa cimo ca wikolo.

Ezaya 28:6

Antu yano yakaputula imilandu ya yauze, Leza umweneco amaiza ayalangilile umwalola ulungami. Nupya aliwe kwene amaiza akomelezye yayo akazinga anisi yano yakaizila ukuzanza impongolo zya musumba.

Masamu 107:18

Yaposiwanga ukulya ivyakulya, iviyafisya uku myenzo, cikanga sile yafwe nu kufwa.

2 Samueli 18:4

Umwene nawe aasuka ati, “Namacita consi cino mwalola ukuti icingamuzipila ukuluta.” Alino umwene aimilila lwapa mpongolo lino antu yakwe yakufuma nu kupita mu mpuka, zimwi izimbi lyonga na zimwi umwanda onga.

Masamu 127:5

Walongo awiyo uwazuzya inceto zya mwata uo umu nyambi yakwe. Atalatala acimviwe lino alakomenkanya anisi yakwe umu cifulo ca upinguzi.

Masamu 129:2

“Anisi yane yakanzunya wakwe cimwi, ukufuma ku wance wane, lelo yaposiwa ukuncimvya.

Yona 2:6

Intuwila mpaka ukufika pa visinte vya myamba, imfika nu kuzimo kuno nayalilwe umu mbali zyonsi umuyayaya. Lelo wemo, we Yawe Leza wane, wamfumizye umumi mu ciwina.

Mateo 4:18

Lino Yesu wapitanga mu nkumba yakwe yemba wa Galile, alola aina yaili, Simoni wino yatangi Petulo, na Andeleya mwina wakwe ala yali ni sumbo yakuvuwa muli yemba, pano yali alondo.

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.