Mateo 15:31 - Amazwi Yakwe Leza 2013

³¹ Caleka antu yonsi yazunguka lino yalola vino yaciulu yakuvwanga, vilema vyapoziwa, vite navyo vikupita, nga na vino impafu zyatandika kulola. Alino yalumbanya Leza wa Izlaeli.

Mateo 15:31 Referans Kwoze

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Luka 18:43

Lilyo kwene itandika kulola nu kulondela Yesu, ala ikutaizya Leza. Lino antu yalola cii, yonsi kwene yalumbanya Leza.

Luka 7:16

Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Mateo 18:8

“Ikasa lyako nanti kulu lyako ndi lyakulenga ukwifya liputule, nu kulisumba. Cakuzipila ukwingila mu umi na makunkutu nanti ulema, kuluta ukuya na makasa yaili nanti amakulu yaili nu kusumbwa mu Gehena.

Mateo 9:33

Lyene lino Yesu wafumya mupasi wankota, umuntu atandika kuvwanga. Iumba nalyo lizunguka cuze, liti, “Cintu ca musango uu citatala caloleka mu Izlaeli.”

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Luka 14:21

“Alino muomvi waswililemo aya anena mwene wakwe vii vyonsi. Lyene mwine wa ng'anda asoka, nga anena muomvi wakwe ati, ‘Pitisya yanga mu miseo nu mu masansa amu musumba, ukalete kuno apina, yakasinta, impafu, ni vilema.’

Luka 14:13

Lelo ndi wacita cimulo, ama apina, yakasinta, vilema, ni mpafu,

Mako 9:43

Caleka ndi ikasa lyako lyakulenga kwifya, liputule! Cakuzipila ukwingila mu umi na makunkutu kuluta ukuya na makasa yaili nu kusumbwa mu Gehena, [

Mako 7:37

Na yonsi acuvwile yazunguka cuze yati, “Akucita vintu vyonsi ningo! Akulenga yacipuuli yauvwa na yaciulu yavwanga!”

Mako 2:12

Lino yonsi yacili lolekesya, umuntu akatuka, lilyo kwene anyemula icintamba cakwe, apita. Onsi yazunguka cuze yalumbanya Leza yati, “Tutatala twalola cintu cimwi wakwe cii!”

Mateo 21:14

Impafu ni vilema iiza kunoli, ku Ng'anda ikulu yakwe Leza, nga nawe ayapozya.

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Kufuma 24:10

alino yalola Leza wino aina Izlaeli yapepanga. Mwisika lya ngazo zyakwe mwali cimwi calolekanga papela ngati iwe licindame lyakwe safilo, ilyanze ningo, kuloleka kwaliko ngati iyulu.

Utandiko 33:20

Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mateo 9:32

Lino antu yaa yaili apoziwa yakufuma, antu yamwi yaletela Yesu umuntu uwali nu mupasi wankota, nupya wali a ciulu.

Mateo 15:30

Lyene maumba akulu cuze iiza kunoli, ala yasenzile vilema, impafu, vite, yaciulu nga nayauze aingi a ndema zipusanepusane. Alino yayateka inkolelo yakwe Yesu, nawe ayapozya.