Mateo 14:31 - Amazwi Yakwe Leza 2013

³¹ Lilyo kwene Yesu atambika ikasa amulema. Alino amunena ati, “We wa utailo unono, uzye pacani watwisika?”

Mateo 14:31 Referans Kwoze

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

Mateo 8:26

Yesu ayanena ati, “Mwe ya utailo unono! Uzye pacani muvwa intete?” Lyene Yesu akatuka, alesya cipupu na maimbi, nga kuya cele.

Utandiko 22:14

Abulaamu atemela cifulo cici izina ati, “Kapeela a Yawe.” Caleka kufika na pilelo kwene antu yakati, “Pa mwamba wakwe Yawe apano cilapelwa.”

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Mako 5:41

Amulemelela ikasa amunena ati, “Talita kumi,” kuli kuti, “Kaci we nakunena nati katuka!”

Mako 1:31

Yesu aya amulemelela pi kasa, amwazwa kuti akatuke. Lyene impepo isila. Lilyo kwene atandika nu kuyapela ivyakulya.

Mateo 16:8

Yesu wamanyile cino yalanzyanyanga, caleka ayauzya ati, “Mwe ya utailo unono, uzye pacani mukulanzyanya pamulandu wakuti musi na mukate?

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Milimo 4:30

Ololola ikasa lyako nu kupozya alwale, zumilizya kuti vizungusyo ni vinjelengwe vyacitika kupitila mwi zina lya muomvi wako Yesu uwamuzilo.”

Luka 24:34

yala yakuvwanga yati, “Cumi Umwene watazyukuka, nu kuloleka kuli Simoni.”

Mako 16:7

Lelo yangini mukanene alondezi yakwe, na Petulo, muti, “Amamukolelela kuya ku Galile. Kuku akuno mumaya mukamulole, wakwe vino wamunenyile.”

Mako 11:23

Cumi namunena nati wino wensi anganena umwamba ati katuka uisumbe muli yemba ndi asyakutwisika mu mwenzo wakwe, lelo wataila ukuti cino watalanda cilacitika, cii cilacitwa ndi muno avwangile.

Mako 1:41

Yesu aya na mizu kunoli, atambalika ikasa lyakwe amulemelela. Amunena ati, “Nkasi, pola!”

Mateo 6:30

Leza akazwika isote lyamu mpanga, ililipo ilelo na mutondo lisontekwa umoto. Uzye wene atalalusya kuzwika mwemwe, mwe ya utailo unono?

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

Mateo 14:30

Lelo lino walola vino kwaya cipupu, auvwa intete, atandika kutuwila, nga akuta ati, “Mwene, ntuule.”

Mateo 14:32

Lyene oili yapatama mu wato, nga cipupu cilala.

Mako 4:40

Alino Yesu auzya alondezi ati, “Uzye pacani muvwa intete? Uzye na ndakai musi na utailo?”