Mateo 14:27 - Amazwi Yakwe Leza 2013

²⁷ Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mateo 14:27 Referans Kwoze

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:4

Aweni fwandi akalenga ukuti ciye vii? Aweni akalenga ukuti imikulo ya antu iye penepo ukufuma sile nu ku katalili? Anene ne Yawe naliko ukufuma nu ku katalili. Anene ne Yawe alayako ukufika na pa mpela ya vintu vyonsi.

Yoane 6:20

Lelo ayanena ati, “Anene! Mutoopa.”

Mateo 17:7

Lelo Yesu aiiza ayakumya ni kasa lyakwe, avwanga ati, “Katukini, mutuvwa intete.”

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Luka 1:30

Lelo mungeli amunena ati, “Utoopa, Maliya, pano Leza watakukumbusuka.

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Mateo 28:10

Lyene Yesu ayanena ati, “Mutoopa! Yangini mukanene aina yane yaye ku Galile. Kuku akuno yalandola.”

Luka 2:10

Lelo mungeli ayanena ati, “Mutoopa, pano namuletela Ilandwe Lisuma, lino limaleta uluzango ulukulu ku antu onsi.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Mateo 14:28

Lyene Petulo amunena ati, “Mwene nda wewe, unene kuti nize kunuli pa manzi.” Yesu nawe amunena ati, “Iza.”

Mateo 28:5

Alino mungeli anena anaci yaya ati, “Mutoopa, pano manyile vino mukulonda Yesu, wino watanyilwe pa lupanda.

Mako 6:50

pano lino yamulola yuvwa intete cuze. Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Luka 5:10

Nga Yakobo na Yoane, ana yakwe Zebedi, ali yacuza yakwe Simoni, nao kwene yazunguka. Lyene Yesu anena Simoni ati, “Utoopa. Kufuma ndakai umavuwanga antu.”

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.